७५ वर्षीय वृद्धको होम आइसोलेसनमा मृत्यु

स्थानीय

गृहपृष्ठ
स्थानीय
७५ वर्षीय वृद्धको होम आइसोलेसनमा मृत्यु

७५ वर्षीय वृद्धको होम आइसोलेसनमा मृत्यु

सोमबार, वैशाख ६, २०७८ बागेश्वरी पोस्ट

नेपालगन्ज । बाँकेमा ७५ वर्षीय वृद्धको कोरोना संक्रमणबाट होम आइसोलेसनमै मृत्यु भएको छ ।

कोहलपुर १४ का उनमा हिजो कोरोना पुष्टि भएको थियो । नेपालगन्ज मेडिकल कलेजमा बैशाख ४ गते भर्ना भएका उनको हिजो कोरोना रिपोर्ट पोजिटिभ आएको थियो । उनको गएराति १२ बजे घरमै मृत्युु भएको जिल्ला कोभिड-१९ संकट व्यवस्थापन केन्द्रका फोकल पर्सन तेज वलीले बताउनुभयो । यो संगै बाँकेमा कोरोनाबाट मृत्यु हुनेको संख्या ६१ पुगेको छ ।

पक्षघातका विरामी उनलाई उपचारका लागि भारत लगिएको थियो । तर, त्यहाँको अस्पतालले अवस्था गम्भीर भएको भन्दै घरै लैजान सुझाव दिएपछि बैशाख ४ गते नेपाल फर्की उनलाई नेपालगन्ज मेडिकल कलेजमा भर्ना गरिएको थियो । स्वास्थ्य सुधार हुने संकेत नदेखिएपछि परिवारले उनलाई घर लगेको थियो ।

प्रकाशित मिति: सोमबार, वैशाख ६, २०७८ १०:३४

प्रतिक्रिया दिनुहोस्