सशस्त्र प्रहरीद्वारा नेपालगन्जबाट ठुलो परिमाणमा अवैध सामाग्री बरामद

स्थानीय

गृहपृष्ठ
स्थानीय
सशस्त्र प्रहरीद्वारा नेपालगन्जबाट ठुलो परिमाणमा अवैध सामाग्री बरामद

सशस्त्र प्रहरीद्वारा नेपालगन्जबाट ठुलो परिमाणमा अवैध सामाग्री बरामद

सोमबार, वैशाख ६, २०७८ बागेश्वरी पोस्ट

नेपालगन्ज । सशस्त्र प्रहरीले नेपालगन्जको सिमा नाकाबाट ठुलो परिमाणमा अवैध सामाग्री बरामद गरेको छ।

सशस्त्र प्रहरी बल नम्बर ३० गण बागेश्वरी बाँकेबाट सशस्त्र प्रहरी सहायक निरीक्षक वीर बहादुर रोकाको कमान्डमा गएको टोलीले नेपालगन्ज १५ पिप्रहवा नाकाबाट आज बिहान ५ बजे लाखौं मूल्य बराबरको अवैध सामाग्री बरामद गरेको हो।

सशस्त्र प्रहरी बल नम्बर ३० गणका अनुसार भारतबाट ल्याउदै अवैध सामाग्रीमा धेरै जसो कपडा रहेका छन् ।

सशस्त्र प्रहरीले अवैध सामाग्री बरामद गरेपनी तस्करहरु भने भारततर्फ नै फरार भएको जानकारी दिएको छ।

बरामद गरिएका अवैध सामाग्रीहरुमा लेडिज सुट १०७ पिस,कुर्ती ५१ पिस,रङ्गिला सेफ्टि रेजर १६० डिब्बा, परफ्युम २० डिब्बा, दोपत्ता १७५ पिस,ऐर फिल्टर १६ पिस,डाल्डा घियु ४ पेटि,चिनी ४० केजी,माक्रोनी ६० केजी र १५० केजी प्लास्टिक रहेका छन् ।

बरामद गरिएका १ लाख ६१ हजार १५० रुपैयाँ बराबरका सबै अवैध सामाग्रीलाई आजै नेपालगन्ज भन्सार कार्यालय बुझाइएको सशस्त्र प्रहरीले जानकारी दिएको छ।

प्रकाशित मिति: सोमबार, वैशाख ६, २०७८ १३:४७