डुडुवाका शैक्षिक संस्था एक साताका लागि बन्द

स्थानीय

गृहपृष्ठ
स्थानीय
डुडुवाका शैक्षिक संस्था एक साताका लागि बन्द

डुडुवाका शैक्षिक संस्था एक साताका लागि बन्द

बुधबार, वैशाख ८, २०७८ बागेश्वरी पोस्ट

डुडुवा । बाँके डुडुवा गाउँपालिकाले भोलिदेखि एक साताका लागि गाउँपालिका अन्तरगतका सम्पूर्ण शैक्षिक संस्थाहरु बन्द गरेको छ ।

विश्वव्यापी रुपमा तीब्र गतिले फैलिरहेको नयाँ भेरियन्टसहितको कोभिड–१९ संक्रमणको दोस्रो लहरले यस पालिका अन्तर्गतका विभिन्न विद्यालयका शिक्षक र विद्यार्थीहरुमा कोरोना संक्रमण भएको र बढ्दै गएपछि जोखिम न्यूनीकरण गर्न शैक्षिक संस्थाहरु बन्द गरिएको हो ।

गाउँपालिकाका प्रमुख प्रशासकीय अधिकृत प्रशुराम उपाध्यायले आज एक सूचना जारी गरी भोलिदेखि बैशाख १५ गतेसम्म विद्यालय बन्द रहने जानकारी गराउनुभएको छ । गाउँपालिकाले यस अघि सबै विद्यालयहरुमा सावधानी तथा जोखिम न्यूनीकरण गर्न स्वास्थ्य सामाग्री वितरण गरिसकेको छ । दैनिक संक्रमणको दर बृद्धि भएपछि सम्पूर्ण नागरिकहरुलाई उच्च सतर्कता अपनाउन गाउँपालिकाले अपिल समेत गरेको छ ।

गाउँपालिका अध्यक्ष नरेन्द्रकुमार चौधरीले यो समयमा विशेष गरी घर भन्दा बाहिर ननिस्कने, बढी भिडभाड हुने स्थानमा नजाने, मास्क लगाउने तथा स्वास्थ्य सरसफाईमा ध्यान दिने लगायतका मापदण्ड पूर्णरुपमा कार्यान्वयन गर्न सबैलाई अनुरोध गर्नुभएको छ ।

प्रकाशित मिति: बुधबार, वैशाख ८, २०७८ २०:१९

प्रतिक्रिया दिनुहोस्