भेरीमा अक्सिजन खरिद अभियानमा समाजसेबी शाहले गरिन आर्थिक सहयोग

स्थानीय

गृहपृष्ठ
स्थानीय
भेरीमा अक्सिजन खरिद अभियानमा समाजसेबी शाहले गरिन आर्थिक सहयोग

भेरीमा अक्सिजन खरिद अभियानमा समाजसेबी शाहले गरिन आर्थिक सहयोग

शनिबार, वैशाख ११, २०७८ बागेश्वरी पोस्ट

नेपालगन्ज । सामाजिक अभियन्ता एबम पत्रकार हेमन्तराज काफ्लेले नेपालगन्जमा रहेका मनकारी सहयोगीको हातहरुले भेरी अस्पतालमा अक्सिजन खरिद गर्न भेरी अस्पताललाई आर्थिक सहयोग अभियान शुरु गरेका छन् ।

सहयोग अभियान अन्तर्गत दुई दिनमै ३ लाख रुपैयाँ बढी सहयोग प्राप्त भएको पत्रकार काफ्लेले बताएका छन् ।

काफ्लेको अभियानबाट प्रेरित भएर नेपालगन्ज वडा नम्बर ४ का अध्यक्ष मो. सफिक बेहनाले शुक्रबार मात्रै २ सय अक्सिजन सिलिन्डर भर्नका लागि २ लाख रुपैयाँ सहयोग गरिसकेका छन् ।

काफ्लेका अनुसार अध्यक्ष बेहेनाले सहयोग गरेको बाहेक ३ लाख रुपैयाँ सहयोग आएको बताएका छन् । सहयोग गर्ने क्रममा नेपालगन्जमा थुप्रै सहयोगीहरुले आ-आफ्नो तरिकाबाट आर्थिक सहयोग गर्दै गएका छन् ।

त्यस्तै नेपालगन्ज ४ की समाजसेबी पिन्की शाहले समेत अस्पतालमा कोरोना उपचारका लागि अक्सिजन खरिद गर्नका लागि ५ हजार रुपैयाँ सहयोग गरेकी छिन् ।

समाजसेबी शाहले आफुले यस्तो बिषम परिस्थितिमा सहयोग गर्न पाउँद धेरै खुशी लागेको बताइन् । यस्तो महामारीमा जसले जति सक्छ त्यति सहयोह गर्न जरुरी रहेको बताउछिन् ।

सरकारले गर्दै गर्ला भनेर हामी चुप भएर बस्नुभन्दा सबैले हातेमालो गरेर सहयोग जुटाउनु राम्रो कुरा भएको समाजसेबी शाहले भनिन् ।

'आफ्नो श्रीमान अध्यक्ष मो. सफिक बेहनाबाट प्रभावित भएर आफुले सहयोग गर्दै अरुलाई पनि सहयोग गर्न अपिल गरेको छु'शाहले भनिन्।

प्रकाशित मिति: शनिबार, वैशाख ११, २०७८ १४:४८

प्रतिक्रिया दिनुहोस्