अध्यक्ष बेहनाले दिए कोरोना संक्रमितका लागि औषधी,४ नं वडामा अक्सिजनसहित आइसोलेसन बन्दै

स्थानीय

गृहपृष्ठ
स्थानीय
अध्यक्ष बेहनाले दिए कोरोना संक्रमितका लागि औषधी,४ नं वडामा अक्सिजनसहित आइसोलेसन बन्दै

अध्यक्ष बेहनाले दिए कोरोना संक्रमितका लागि औषधी,४ नं वडामा अक्सिजनसहित आइसोलेसन बन्दै

सोमबार, वैशाख १३, २०७८ बागेश्वरी पोस्ट

नेपालगन्ज । नेपालगन्जको वडा नम्बर ४ मा कोरोना संक्रमण बढ्दै गएपछि संक्रमितलाई उपचार गर्नका लागी अक्सिजनसहितको १० बेडको आइसोलेसन केन्द्र बनाइने भएको छ।

भेरी अस्पतालमा कोरोना संक्रमित बिरामी अत्याधिक बढेपछि नेपालगन्ज वडा नम्बर ४ ले अक्सिजन आबश्यक पर्ने गम्भीर प्रकृति नभएका बिरामीलाई उपचार गर्नलाई नेपालगन्ज स्वास्थ्य प्रबर्द्धन केन्द्रको योगा हलमा १० बेडको अक्सिजनसहितको आइसोलेसन बनाउन लागेको अध्यक्ष मो. सफिक बेहनाले बताए ।वडाकै ४ लाख रुपैयाँ लागतमा उक्त आइसोलेसन केन्द्र चाँडै निर्माण गर्न सुरु गरिने अध्यक्ष बेहनाले जानकारी दिएका छन् ।

अध्यक्ष बेहनाका अनुसार आइसोलेसन सेन्टरमा चिकित्सकसहितको स्वास्थ्यकर्मीको टोलीले परिचालन गरिने भएको छ। आफ्ना वडाका कोरोना संक्रमित बिरामीहरुको लागि कुनै कसर बाँकि नराखी सबै सेवा समेत दिने अध्यक्ष बेहनाले भने।

आइसोलेसन निर्माण बारे आज नेपालगन्ज स्वास्थ्य प्रबर्द्धन केन्द्र गणेशपुरमा गरिएको परामर्शमा अध्यक्ष बेहनाले कोरोना संक्रमितका लागि सवा एक लाख रुपैयाँ बराबरको औषधी जनस्वास्थ्य निरीक्षक जागेश्वर बस्नेलाई हस्तान्तरण गरेका हुन् ।

मनकारी अध्यक्ष बेहनाले नेपालगन्जमा होम आइसोलेसनमा बसेका वडा बाहिरका संक्रमितलाई समेत आबश्यक पर्ने औषधी उपलब्ध गराउने वचन समेत दिएका छन् ।

कार्यक्रममा बोल्दै जनस्वास्थ्य निरीक्षक बस्नेतले आफू पनि वडाबासी भएकाले आइसोलेसन सेन्टरका लागी दत्तचित्त भएर लाग्ने बताए।

समाजसेबी एबम मनकारी अध्यक्ष बेहनाले शुक्रवार भेरी अस्पतालको कोरोना उपचार कक्षका लागि २०० थान अक्सिजन सिलिन्डरका लागि ब्यक्तिगत २ लाख रुपैयाँ र शनिबार भेरी अस्पतालका कोरोना संक्रमितका लागि तातो पानी पिउने आधुनिक वाटर डिस्पेंसरी समेत सहयोग गरेर एउटा मानबताको उदाहरण दिइसकेका छन् । उनले आज कोरोना संक्रमितहरुका लागि आज औषधी सहयोग गरेसगै स्थानीयहरु अध्यक्ष बेहनालाई हृदयदेखि नै धन्यबाद दिएका छन् ।

प्रकाशित मिति: सोमबार, वैशाख १३, २०७८ २१:२५

प्रतिक्रिया दिनुहोस्