लकडाउनमा बाँके सुनासान, कडा पहरा दिदै सुरक्षा फौज

स्थानीय

गृहपृष्ठ
स्थानीय
लकडाउनमा बाँके सुनासान, कडा पहरा दिदै सुरक्षा फौज

लकडाउनमा बाँके सुनासान, कडा पहरा दिदै सुरक्षा फौज

मंगलबार, वैशाख १४, २०७८ बागेश्वरी पोस्ट

नेपालगन्ज । कोरोना महामारीले बिकराल रुप लिएपछि नेपालगन्जमा मात्र ९ देखि गरिएको लकडाउनलाई आजबाट पुरै बाँके जिल्लाभर लागू गरिएको छ।

आजदेखि बाँकेभर निकै कडाई गरिएको छ। लकडाउनमा नेपालगन्ज, कोहलपुर लगायतका बजार पुर्ण रुपमा बन्द भएको छ। अति आबश्यक ब्यबसाय बाहेक अरु खुलेका छैनन्।

सडकमा अति आबश्यक काम बाहेकका ब्यक्तिहरु मात्रै हिंडेको देख्न सकिन्छ। नेपालगन्जका सबै स्थानमा सशस्त्र प्रहरी र नेपाल प्रहरीको बाक्लो उपस्थिति रहेको छ भने नेपालगन्जका भित्री बजारमा अनावश्यक रुपमा फाट्टफुट्ट हिंडेकालाई सशस्त्र प्रहरीले सम्झाईबुझाई फर्काइरहेका छन् ।

कोरोना तीब्र रुपमा फैलिएपछि स्थानियहरु पनि सचेत बनेर आ-आफ्नो घरमा बसिरहेका छन् । नेपालगन्जमा फार्मेसी भने खुलेका छन् । नेपालगन्जका विभिन्न स्थानमा गएर अनावश्यक रुपमा खुलाइएका पसलहरु भने बन्द गराइएको छ।

त्यस्तै भारतबाट आएर जमुनहा नाकामा आएका नेपालीहरुलाई भने नेपालगन्ज उपमहानगरपालिकाको बसहरु गएर ल्याउने कार्य जारी छ । आजदेखि जिल्लाभर गरिएको लकडाउन निकै कडाई गरिएको छ ।

प्रकाशित मिति: मंगलबार, वैशाख १४, २०७८ ११:१५

प्रतिक्रिया दिनुहोस्