नेपालगन्ज ४ मा १० बेडको अक्सिजनसहितको आइसोलेसन निर्माण सुरु

स्थानीय

गृहपृष्ठ
स्थानीय
नेपालगन्ज ४ मा १० बेडको अक्सिजनसहितको आइसोलेसन निर्माण सुरु

नेपालगन्ज ४ मा १० बेडको अक्सिजनसहितको आइसोलेसन निर्माण सुरु

बुधबार, वैशाख १५, २०७८ बागेश्वरी पोस्ट

नेपालगन्ज ।नेपालगन्ज वडा नम्बर ४ ले अक्सिजन सहितको १० बेडको कोभिड आइसोलेसन संचालनमा ल्याउने भएको छ ।

कोरोनाका विरामीले अस्पतालमा बेड नपाउने समस्या सिर्जना भएपछि अक्सिजन सहितको १० बेडको कोभिड आइसोलेसन संचालनमा ल्याउन लागेको वडा अध्यक्ष मोहम्मद सफिक बेहनाले बताए ।

कोभिड आइसोलेसन संचालनका लागि वडा अध्यक्ष बेहना आफै खटिएका छन् । छिटोभन्दा छिटो संचालन गर्नुपर्ने भएकोले निर्माण सामग्री ओसार्न आफै सक्रियताका साथ लागेका छन् । ढिलोमा अबको एक हप्तामा कोभिड आइसोलेसन संचालनमा ल्याउँछौँ ।

अक्सिजन चाहिने विरामीलाई यहिँ उपचार गछौँ, आइसियू र भेन्टीलेटरमा राख्नुपर्ने विरामीलाई मात्र अन्य कोभिड अस्पतालमा रेफर गर्ने ब्यवस्था मिलाउँछौँ,’ उनले भने ।
अस्पताल संचालनका लागि मेडिकल अफिसर, स्टाफ नर्स र अन्य स्वास्थ्यकर्मी भर्ना गर्न र आवश्यक सामग्री खरिद प्रक्रिया अगाडी बढिसकेको वडा अध्यक्ष बेहनाले बताए ।

कोरोना संक्रमण र विरामीले उपचार नपाएको अवस्थालाई मध्यनजर गरि फास्ट ट्रयाकबाट काम अगाडी बढाएका छौँ,’ वडा अध्यक्ष बेहनाले बताए ।

त्यस्तै कार्यपालिका सदस्य इन्दिरा शाहीले सबै प्रक्रिया पुर्याएर कोभिड आइसोलेसन सन्चालन गर्न लागेको बताइन् ।
अध्यक्ष बेहनाले भेरी अस्पतालका विरामीलाई चाहिने अक्सिजन खरिदका लागि दुई लाख रुपैँया प्रदान गरिसकेका छन् । भने, उनले विरामीका लागि तातो पानीको ब्यवस्था समेत गरेका छन् ।

प्रकाशित मिति: बुधबार, वैशाख १५, २०७८ ०७:३३

प्रतिक्रिया दिनुहोस्