राप्तीसोनारीका वडा सदस्यको कोरोनाबाट मृत्यु

स्थानीय

गृहपृष्ठ
स्थानीय
राप्तीसोनारीका वडा सदस्यको कोरोनाबाट मृत्यु

राप्तीसोनारीका वडा सदस्यको कोरोनाबाट मृत्यु

आइतबार, वैशाख २६, २०७८ बागेश्वरी पोस्ट

नेपालगन्ज । बाँकेमा कोरोना संक्रमणबाट वडा सदस्यको मृत्युु भएको छ ।

राप्तीसोनारी गाउँपालिका वडा नम्बर ६ का वडा सदस्य तारा कसेराको आज भेरी अस्पतालमा उपचारका क्रममा मृत्यु भएको छ । उहाँ साविकको फत्तेपुर गाविसको पूर्व अध्यक्ष समेत हुनुहुन्थ्यो ।

५० वर्षीय कसेरा एक साता अघि भेरी अस्पतालको कोभिड वार्डमा भर्ना हुनुभएको थियो । दुई साता बढी समयदेखि विरामी उहाँको अवस्थामा सुधार नभएपछि आज दिउँसो २ बजे उपचारका क्रममा मृत्यु भएको हो ।

बैशाख २० गते कोरोना पुष्टि भएपछि उहाँ त्यसै दिन अस्पताल भर्ना हुनुभएको जिल्ला कोभिड-१९ संकट व्यवस्थापन केन्द्र बाँकेका फोकल पर्सन तेज वलीले बताउनुभयो । कसेरालाई सुगर र प्रेसरको समस्या रहेको बताइएको छ । यो संगै बाँकेमा कोरोनाबाट मृत्यु हुनेको संख्या १ सय ८४ पुगेको छ ।

प्रकाशित मिति: आइतबार, वैशाख २६, २०७८ १५:३९

प्रतिक्रिया दिनुहोस्