बाँकेमा ७२० संक्रमित थपिँदा ४१४ डिष्चार्ज, ७ को मृत्यु

स्थानीय

गृहपृष्ठ
स्थानीय
बाँकेमा ७२० संक्रमित थपिँदा ४१४ डिष्चार्ज, ७ को मृत्यु

बाँकेमा ७२० संक्रमित थपिँदा ४१४ डिष्चार्ज, ७ को मृत्यु

मंगलबार, वैशाख २८, २०७८ बागेश्वरी पोस्ट

नेपालगन्ज । बाँकेमा पछिल्लो २४ घण्टामा ७२० कोरोना संक्रमित थपिँदा ४१४ जना निको भएका छन् ।

जिल्ला कोभिड-१९ संकट व्यवस्थापन केन्द्रका फोकल पर्सन तेज वलीका अनुसार पछिल्लो २४ घण्टामा बाँकेका ७ जनाले कोभिडका कारण ज्यान गुमाएका छन् ।

नेपालगन्ज मेडिकल कलेज कोहलपुर ल्याबमा ६३२ नमुना परिक्षण गर्दा ४७८ जनालाई कोरोना पुष्टि भएको छ भने बागेश्वरी ल्याबमा ३०७ स्वाब जाँच्दा २ सय ४२ जनामा कोरोना पुष्टि भएको फोकल पर्सन वलीले बताउनुभयो ।

बाँकेमा हालसम्म १४ हजार ३० जना संक्रमित हुँदा ९ हजार ६ सय २९ जना डिष्चार्ज भएका छन् । संक्रमित मध्ये १ सय ९८ जनाको मृत्यु भएको छ । अहिले ४ हजार २ सय ३ जना आइसोलेसनमा छन् । ती मध्ये ५११ जना अस्पताल र आइसोलेसनमा छन् भने ३ हजार ८ सय ३० जना होम आइसोलेसनमा छन् ।

प्रकाशित मिति: मंगलबार, वैशाख २८, २०७८ १७:१६