यी वडा अध्यक्षहरु जो आफैं कोरोना संक्रमितलाई भेटेर सहयोग गर्दैछन् !

स्थानीय

गृहपृष्ठ
स्थानीय
यी वडा अध्यक्षहरु जो आफैं कोरोना संक्रमितलाई भेटेर सहयोग गर्दैछन् !

यी वडा अध्यक्षहरु जो आफैं कोरोना संक्रमितलाई भेटेर सहयोग गर्दैछन् !

मंगलबार, वैशाख २८, २०७८ बागेश्वरी पोस्ट

नेपालगन्ज । बाँकेको नेपालगन्जमा कोरोनाको महामारी रहेको छ । उपमहानगरका २३ वटै वडा कोरोनाको प्रकोपमा छ । भारतको उत्तरप्रदेशसंग खुला सिमा भएकाले पनि यहाँ जोखिम बढ्दो छ ।

यो प्रतिकुल अबस्थामा पनि नेपालगन्जका केही वडाध्यक्षले वास्तवमै जनप्रतिनिधिको दायित्यबोध गरेका छन् । उनीहरुले आफूलाई अरु भन्दा ‘अब्बल’ सावित गरेका छन् ।

यो संकटको घडीमा आफ्नै ज्यानको जोखिम लिएर जनताको सेवामा लाग्ने वडाध्यक्षहरु हुन् : वडा नम्बर १ का अध्यक्ष प्रमोद रिजाल, ४ नम्बरका अध्यक्ष सफीक बेहना, १३ नम्बरका अध्यक्ष वीरेन्द्र शाह र १८ नम्बर वडाका अध्यक्ष दीपक बर्मा ।

यी तीन वडाध्यक्षले कोरोनाबाट तड्पिएका जनताको मनमा छाप रहिरहने काम गरिरहेका छन् । यी वडाध्यक्षहरुले वडामा अक्सिजन सहितको आइसोलेशन निर्माण, अक्सिजन किन्न अस्पताललाई रकम, कोरोना संक्रमित वडावासीको घरघरमा डाक्टर लिएर पुगिरहेका छन् । संक्रमित भएर घरमा बसेका बेलामा डाक्टर र औषधी लिएर वडाध्यक्ष आइपुग्दा कुन चाहि वडावासी खुशी नहोलान् र ?