पत्रकार महासंघ बाँकेले एम्बुलेन्स किन्ने, सहयोगको अपिल

स्थानीय

गृहपृष्ठ
स्थानीय
पत्रकार महासंघ बाँकेले एम्बुलेन्स किन्ने, सहयोगको अपिल

पत्रकार महासंघ बाँकेले एम्बुलेन्स किन्ने, सहयोगको अपिल

शुक्रबार, वैशाख ३१, २०७८ बागेश्वरी पोस्ट

नेपालगन्ज । नेपाल पत्रकार महासंघ बाँके शाखाले एम्बुलेन्स खरिद गर्ने भएको छ । महासंघ बाँके शाखाले कोरोना महामारीलाई मध्यनजर राख्दै पत्रकार तथा आमनागरिकलाई सर्वसुलभ सेवा प्रदान गर्न एम्बुलेन्स खरिद गर्ने निर्णय गरेको हो ।

अध्यक्ष दामोदर भण्डारीको अध्यक्षतामा आज बसेको बैठकले मुनाफारहित सेवाभावले खरिद गर्न लागिएको एम्बुलेन्सको आर्थिक व्यवस्थापनका लागि उपाध्यक्ष संगीन शर्माको संयोजकत्वमा सात सदस्यीय ‘आर्थिक सहयोग संकलन समिति’ गठन गरेको छ । साथै एम्बुलेन्स खरिदका लागि आर्थिक सहयोग गर्न सम्पूर्ण पत्रकार, सञ्चारगृह, उद्योगी, व्यवसायी, समाजसेवी, सरकारी/गैरसरकारी निकाय सबैलाई आव्हान गरिएको छ ।

बैठकले नेपाल पत्रकार महासंघ बाँकेको अनुरोधमा बाँकेका पत्रकारहरुलाई निःशुल्क स्वास्थ्य उपचार तथा परामर्श गरिरहनुभएका नेपालगन्ज मेडिकल कलेजका फिजिसियन/फोक्सो रोग विशेषज्ञ डा.सुभाष योगी र स्वास्थ्य सामाग्री प्रदान गर्नुहुने सबैमा धन्यवाद तथा आभार प्रकट गर्दै निरन्तर सहकार्यका लागि अनुरोध गरेको सचिव कमल डाँगीद्वारा जारी प्रेस विज्ञप्तीमा भनिएको छ ।

साथै बैठकले इस्लाम धर्माबलम्बीहरुको ‘ईद–उल–फित्र’को अवसरमा सम्पूर्ण सञ्चारकर्मी एवं नेपालीहरुमा शुभकामना व्यक्त गरेको छ ।

प्रकाशित मिति: शुक्रबार, वैशाख ३१, २०७८ १६:२४