सल्यान कालिमाटीमा ६८ जनामा कोरोना संक्रमण

स्थानीय

गृहपृष्ठ
स्थानीय
सल्यान कालिमाटीमा ६८ जनामा कोरोना संक्रमण

सल्यान कालिमाटीमा ६८ जनामा कोरोना संक्रमण

शनिबार, जेठ १, २०७८ बागेश्वरी पोस्ट

सल्यान । सल्यानको कालिमाटी गाउँपालिकामा ६८ जनामा कोरोना भाइरस संक्रमण देखिएको छ । कोरोनाका लक्षणहरू देखिन थालेपछि गाउँपालिकाको स्वास्थ्य शाखाले ७ वटै वडाबाट वैशाख २६ गते १ सय ८ जनाको स्वाब संकलन गरी परिक्षणका लागि पठाएको थियो ।

परिक्षण गरिएका १ सय ८ जना मध्ये ४० पुरुष र २८ महिलामा कोरोना पुष्टि भएको प्रमुख प्रशासकीय अधिकृत हरिबहादुर खत्रीले बताउनुभयो । वडा नं. १ मा ३ पुरुष र १ महिला, वडा नं. २ मा ३ पुरुष र ७ महिला, वडा नं. ३ मा ५ पुरुष र ३ महिला, वडा नं. ४ मा १ पुरुष, वडा नं. ५ मा १६ पुरुष र १२ महिला, वडा नं. ७ मा १२ पुरुष र ५ महिलामा संक्रमण पुष्टि भएको हो । पालिकाको वडा नं. ६ मा भने हालसम्म संक्रमण देखिएको छैन ।

संक्रमण देखिएकाहरु सबैको स्वास्थ्य अवस्था सामान्य रहेको प्रशासकीय अधिकृत खत्रीले जानकारी दिनुभयो । उहाँका अनुसार सम्भावित जोखिमसँग लड्न गाउँपालिकाले रामपुरमा १५ शैय्याको अक्सिजन सहितको आइसोलेसन समेत तयारी अवस्थामा राखेको छ । कोरोना नियन्त्रण, रोकथाम र उपचारका लागि गाउँपालिकाले निशुल्क पिसिआर परिक्षण र परामर्शका लागि स्वास्थ्य शाखाको टोली खटाएको छ ।

कोरोना संक्रमण रोकथामका लागि अत्यावश्यक बाहेकका सम्पूर्ण सेवाहरू बन्द गरिएको खत्रीले बताउनुभएको छ ।

प्रकाशित मिति: शनिबार, जेठ १, २०७८ १४:२३