नेपालगन्ज ४ स्थित कोरोना आइसोलेसनबाट थप ३ जना डिस्चार्ज

स्थानीय

आइतबार, जेठ २, २०७८ बागेश्वरी पोस्ट

नेपालगन्ज। नेपालगन्ज वडा नम्बर ४ स्थित कोरोना आइसोलेसन सेन्टरबाट थप ३ जनाले कोरोनालाई जितेर फर्किएका छन् ।

आइतबार साँझ २ जना महिला र एक पुरुष कोरोना मुक्त हुँदै डिस्चार्ज भएको वडा अध्यक्ष मो. सफिक बेहनाले बताए।

जम्मा २१ जना संक्रमित उपचार भइरहेको अवस्थामा यसअघि ८ जना डिस्चार्ज भएर गइसकेका छन् । उक्त आइसोलेसनबाट ४ जनालाई रिफर गरेर अन्तै पठाइएको छ।

वडा नम्बर ४ मा स्वास्थ्यकर्मीको उचित हेरबिचार गर्ने हुँदा वडाका मात्रै नभएर बाहिरका संक्रमित समेत भर्ना हुन आउने क्रम जारी छ।

प्रकाशित मिति: आइतबार, जेठ २, २०७८ ०८:५८

प्रतिक्रिया दिनुहोस्