पुस्तक व्यवसायीहरुद्वारा खाद्यान्न, मास्क र सेनीटाइजर सहयोग

स्थानीय

गृहपृष्ठ
स्थानीय
पुस्तक व्यवसायीहरुद्वारा खाद्यान्न, मास्क र सेनीटाइजर सहयोग

पुस्तक व्यवसायीहरुद्वारा खाद्यान्न, मास्क र सेनीटाइजर सहयोग

आइतबार, जेठ २, २०७८ बागेश्वरी पोस्ट

नेपालगन्ज । नेपाल पुस्तक तथा स्टेशनरी व्यवसायी महासंघ बाँके शाखाले अंजनी माता रसोईलाई खाद्यान्न र सेनीटाइजर सहयोग गरेको छ । संघले प्रहरीहरुलाई मास्क र सेनीटाइजर पनि सहयोग गरेको छ ।

भेरी अञ्चल अस्पतालमा विरामीहरूको लागि खानाको व्यवस्थापन गरिरहेको अंजनी माता रसोई श्री सुन्दरकाण्ड मित्र मण्डलका व्यवस्थापक जितेन्द्र सिंहलाई ८ बोरी चामल, २५ किलो दाल, १ पेटी तेल, १ बोरी पिठो, २५ किलो नुन, ५० किलो आलु र सेनीटाइजर ५ लिटर सहयोग गरेको नेपाल पुस्तक तथा स्टेशनरी व्यवसायी महासंघ बाँके शाखाका उपाध्यक्ष प्रदिप सापकोटाले बताउनुभयो । नेपालगंज उपमहानगरपालिकाकी उपप्रमुख उमा थापा मगरको उपस्थितिमा खाद्यान्न र सेनीटाइजर सहयोग गरिएको हो ।

यसैगरी पुस्तक व्यवसायीहरुले सुरक्षाकर्मीका लागि मास्क र सेनीटाइजर पनि सहयोग गरेका छन् । अध्यक्ष किशोर आचार्यको नेतृत्वमा पुगेका व्यवसायीहरुले ४ हजार थान मास्क र सेनीटाइजर ५ लिटरको ३ जर्किन र ५ सय एमएलको १० बोत्तल एसपी ओमबहादुर रानालाई प्रदान गरेको सचिव मिना डाँगीले जानकारी दिनुभयो । त्यस क्रममा बाँके शाखाका निवर्तमान अध्यक्ष शालिक सुवेदी, वरिष्ठ उपाध्यक्ष सागर ज्ञवाली लगायतको उपस्थिति थियो ।

प्रकाशित मिति: आइतबार, जेठ २, २०७८ २०:२५

प्रतिक्रिया दिनुहोस्