औषधि र स्वास्थ्यकर्मी सहित घर घर पुग्दै वडाध्यक्ष सुवेदी

स्थानीय

गृहपृष्ठ
स्थानीय
औषधि र स्वास्थ्यकर्मी सहित घर घर पुग्दै वडाध्यक्ष सुवेदी

औषधि र स्वास्थ्यकर्मी सहित घर घर पुग्दै वडाध्यक्ष सुवेदी

सोमबार, जेठ ३, २०७८ बागेश्वरी पोस्ट

नेपालगन्ज । नेपालगन्ज उपमहानगरपालिका वडा नम्बर १२ का वडाध्यक्ष बुद्धिसागर सुवेदी होम आइसोलेसनमा बसिरहेका कोरोना संक्रमितहरुको घरघरमा पुग्नुहुन्छ । स्वास्थ्यकर्मी र औषधिसहित सुवेदी घरघरमा पुग्ने गर्नुभएको छ ।

होम आइसोलेसनमा बसेर स्वास्थ्य लाभ गरिरहेकाहरुको स्वास्थ्य अवस्था बुझ्दै उनीहरुको मनोबल बढाउने उद्देश्यसहित आफू घरदैलोमा जाने गरेको सुवेदीले बताउनुभयो । "कोरोनासंग जुध्दै गर्नुभएका वडावासीहरुको हौसला बढाउन जरुरी छ, उहाँहरुको स्वास्थ्य अवस्था कस्तो छ भन्ने पनि बुझ्छौं, आवश्यक परामर्श गर्छौं", अध्यक्ष सुवेदीले भन्नुभयो-औषधि पनि दिने गरेका छौँ ।"

वडावासीको स्वास्थ्य अवस्था बुझ्न घर घर पुगेपछि स्थानीय खुसी भएका छन् । अक्सिजन लेभल घटेका, श्वास फेर्न गार्हो भएको, औषधि सेवन गर्दा पनि समस्या भइरहेकाहरुलाई अस्पताल जान सुझाव दिँदै समन्वय पनि गरिरहेको सुवेदीको भनाई छ । घरमा आइसोलेसनमा बस्न समस्या भएकालाई वडाले संचालन गरेको आइसोलेसनमा बस्न आग्रह समेत गर्ने गरिएको छ ।

१२ नम्बर वडा कार्यालयले विहिवारदेखि १४ वटा बेडसहितको आइसोलेसन संचालनमा ल्याएको छ । ती मध्ये ५ वटा बेडमा अक्सिजन सुविधा समेत छ ।

प्रकाशित मिति: सोमबार, जेठ ३, २०७८ १९:३९

प्रतिक्रिया दिनुहोस्