माइती नेपालद्वारा भेरी अस्पताललाई स्वास्थ्य सामग्री प्रदान

स्थानीय

गृहपृष्ठ
स्थानीय
माइती नेपालद्वारा भेरी अस्पताललाई स्वास्थ्य सामग्री प्रदान

माइती नेपालद्वारा भेरी अस्पताललाई स्वास्थ्य सामग्री प्रदान

मंगलबार, जेठ ४, २०७८ बागेश्वरी पोस्ट

नेपालगञ्ज । माइती नेपाल नेपालगञ्जले भेरी अस्पताल नेपालगञ्जलाई स्वास्थ्य सामग्री सहयोग हस्तान्तरण गरेको छ । कोरोना संक्रमित जटिल अवस्थाका बिरामीहरुको उपचार केन्द्र रहेको भेरीलाई आज अस्पताल परिसरमा उक्त स्वास्थ्य सामग्री सहयोग हस्तान्तरण गरिएको हो ।

नेपालगञ्ज उपमहानगरपालिको नगरपालिका स्तरीय संरक्षण बिषयगत क्षेत्र समन्वय समिति मार्फत् उपमेयर उमा थापा मगरले अस्पताल विकास समितिका अध्यक्ष प्रमोद धिताल, समितिका सदस्य सचिव एवं अस्पतालका प्रमुख मेडिकल सुपरिटेन्डेन्ट डा.प्रकाश थापालाई स्वास्थ्य सामग्री प्रदान गर्नुभएको थियो ।

माइती नेपाल नेपालगञ्जका केशव कोइरालाका अनुसार कोरोना महामारी नियन्त्रण तथा बिरामीहरुको उपचारमा खटिएका अस्पतालमा स्वास्थ्य सामग्रीको अभाव हुन नदिन यो सामान प्रदान गरिएको हो । 'अस्पताललाई माइती नेपालले प्रदान गरेको स्वास्थ्य सामग्री पर्याप्त त छैन', संयोजक कोइरालाले भन्नुभयो-'तर थोरै थोरै सबै क्षेत्रले सहयोग गर्ने हो भने यो बिपत्तिसंग सामना गर्न अस्पताललाई सहज हुन्छ ।'

स्वास्थ्य सामग्रीमा पिपिई २० थान, सर्जिकल माक्स १ हजार ७ सय ५० पिस, सेनीटाइजर १२ लिटर, सर्जिकल ग्लोब्स ६ प्याकेट रहेको छ । सामग्री हस्तान्तरणका समय जिल्ला आपतकालीन कार्य संचालन केन्द्र बाँकेका सूचना व्यवस्थापन अधिकृत रुपन ज्ञवाली, पत्रकार दर्गा रोकायको समेत उपस्थिति रहेकोे थियो ।

प्रकाशित मिति: मंगलबार, जेठ ४, २०७८ १७:३८

प्रतिक्रिया दिनुहोस्