रुकुम जादै गरेको बस दुर्घटना, ४ को मृत्यु

समाचार

गृहपृष्ठ
समाचार
रुकुम जादै गरेको बस दुर्घटना, ४ को मृत्यु

रुकुम जादै गरेको बस दुर्घटना, ४ को मृत्यु

बुधबार, जेठ ५, २०७८ बागेश्वरी पोस्ट

नेपालगन्ज । बस दुर्घटनामा ४ जनाको मृत्यु भएको छ।

पुर्व पश्चिम राजमार्ग अन्तरगत पर्ने नवलपरासी जिल्लाको बर्दघाट दाउन्ने सडकखण्डको सिस्नेखोला नजिकै आज बिहान ६ बजे बस दुर्घटना भएको हो ।

काठमाडौंबाट रुकुम पश्चिमका लागि छुटेको ना ५ ख २७१३ नम्बरको बस दुर्घटना भएको हो ।

दुर्घटनामा अहिलेसम्म ४ जनाको मृत्यु भइसकेको छ । ज्यान गुमाउने मध्य रुकुम पश्चिम घर हुने २७ वर्षीय कल्पना पुनको सनाखत भएको छ भने बाँकी ३ जनाको सनाखत भइनसकेको ट्राफिक प्रहरी कार्यालय नवलपरासी पश्चिमका ट्राफिक प्रहरी निरीक्षक बासु नेपालले जानकारी दिएका छन् ।

उनका अनुसार बसमा अन्दाजी ४५ यात्रु रहेको र ति मध्ये ३५ जना भन्दा धेरै घाइतेहरुलाई घटनास्थलबाट उद्दार गरि केहिलाई बुटवल र केहिलाई स्थानीय चिसापानी अस्पतालमा पठाईएको छ ।

घटनाबारे थप अनुसन्धान भइरहेको प्रहरीले बताएको छ ।

प्रकाशित मिति: बुधबार, जेठ ५, २०७८ ०९:३६