मनकारी अध्यक्ष बेहनाले भोलीदेखि निशुल्क प्याकिङ भोजनको सुरुवात गर्दै

स्थानीय

गृहपृष्ठ
स्थानीय
मनकारी अध्यक्ष बेहनाले भोलीदेखि निशुल्क प्याकिङ भोजनको सुरुवात गर्दै

मनकारी अध्यक्ष बेहनाले भोलीदेखि निशुल्क प्याकिङ भोजनको सुरुवात गर्दै

बुधबार, जेठ ५, २०७८ बागेश्वरी पोस्ट

नेपालगन्ज । नेपालगन्ज वडा नम्बर ४ का अध्यक्ष मो. सफिक बेहनाले फेरि अर्को सर्हानिय कार्य गर्ने भएका छन् ।

अध्यक्ष बेहनाले एक पछि अर्को राम्रो कार्य गर्ने क्रममा नेपालगन्ज मेडिकल कलेज नेपालगन्जमा भर्ना भएका कोरोना बिरामी र अन्य बिरामीहरुको लागि भोलीदेखि निशुल्क प्याकिङ भोजनको कार्यको सुरुवात गर्दैछन् ।

अध्यक्ष बेहनाले आफ्नै व्यक्तिगत रुपमा भोलि बिहान १० बजेदेखि नेपालगन्ज उपमहानगरपालिकाको अगाडी निशुल्क प्याकिङ भोजनको व्यवस्था गर्न लागेको बताए। अध्यक्ष बेहनाका अनुसार १० बजेदेखि दिउँसो १ बजे सम्म चल्ने उक्त प्याकिङ भोजन भने सबै शाकाहारी हुने छ। उक्त निशुल्क प्याकिङ भोजन बटुवालाई समेत उपलब्ध गराइने भएको छ।

मनकारी अध्यक्षका रुपमा चिरपरिचित बेहनाले उक्त प्याकिङ भोजन लकडाउन अवधिभरनै सन्चालन गर्ने जानकारी दिएका छन् । अध्यक्ष बेहना भन्छन् " मरेर लानु के छ र? अप्ठ्यारोमा परेकालाई सहयोग गर्न सकिएन भने के मानव भएर जिउनु?"

मनकारी अध्यक्ष बेहनाले भेरी अस्पतालमा यसअघि २ सय अक्सिजन सिलिन्डर खरिदका लागि २ लाख नगद र वाटर डिस्पेसन्सरी मेसिन लगायत सहयोग गरिसकेका छन् भने आफ्नै वडामा अक्सिजनसहितको कोरोना आइसोलेसन सन्चालन गरेर जनताबाट धन्यवादको पात्र बनिसकेका छन् ।

प्रकाशित मिति: बुधबार, जेठ ५, २०७८ २१:४०