बाँकेमा फेरि थपियो निषेधाज्ञा, जेठ १७ सम्म कायमै

स्थानीय

गृहपृष्ठ
स्थानीय
बाँकेमा फेरि थपियो निषेधाज्ञा, जेठ १७ सम्म कायमै

बाँकेमा फेरि थपियो निषेधाज्ञा, जेठ १७ सम्म कायमै

आइतबार, जेठ ९, २०७८ बागेश्वरी पोस्ट

नेपालगन्ज । बाँकेमा जारी गरिएको निषेधाज्ञा जेठ १७ गतेसम्म लम्बिएको छ । बैशाख १३ गतेदेखि जारी निषेधाज्ञालाई पटकपटक गरी पछिल्लो पटक जेठ १० गतेसम्म निरन्तरता दिइएकोमा अब जेठ १७ गते राति १२ बजेसम्म लम्ब्याइएको हो ।

प्रमुख जिल्ला अधिकारी शिवराम गेलालको अध्यक्षतामा आज बसेको जिल्ला सुरक्षा समितिको बैठकले जिल्लामा कोभिड-१९ संक्रमणको जोखिम अझै कायमै रहेकाले निषेधाज्ञा जेठ १७ गते राति १२ बजेसम्म थप गर्ने निर्णय गरेको हो । नेपालगन्ज उपमहानगरपालिकामा भने बैशाख ८ गते राति १२ बजेदेखि नै निषेधाज्ञा लगाइएको थियो ।

वैठकले निषेधाज्ञाको प्रभावकारी कार्यान्वयनका लागि सबै सुरक्षा निकायले संयुक्त सुरक्षा योजना तयार गरी समन्वयत्मक रुपले परिचालित हुने निर्णय गरेको छ ।