स्वास्थ्यकर्मी संघ बाँकेद्वारा पत्रकार महासंघ र अन्जनी माता रसोईलाई आर्थिक सहयोग प्रदान

स्थानीय

गृहपृष्ठ
स्थानीय
स्वास्थ्यकर्मी संघ बाँकेद्वारा पत्रकार महासंघ र अन्जनी माता रसोईलाई आर्थिक सहयोग प्रदान

स्वास्थ्यकर्मी संघ बाँकेद्वारा पत्रकार महासंघ र अन्जनी माता रसोईलाई आर्थिक सहयोग प्रदान

बुधबार, जेठ १२, २०७८ बागेश्वरी पोस्ट

नेपालगन्ज । स्वास्थ्यकर्मी संघ बाँकेले अन्जनी माता रसोई र नेपाल पत्रकार महासंघ बाँकेलाई आर्थिक सहयोग गरेको छ।

नेपालगन्ज उपमहानगरका जनस्वास्थ्य निरीक्षक जागेश्वर बस्नेतको सकृयतामा स्वास्थ्यकर्मी संघ बाँकेमा आवद्ध स्वास्थ्यकर्मी लगायत पदाधिकारीहरुले भेरी अस्पताल परिसरमा रहेर २० रुपैयाँमा बिरामी तथा कुरुवालाई खाना खुवाइरहेको अन्जनी माता रसोईलाई १५ हजार रुपैयाँ सहयोग गरेका हुन्।

त्यस्तै बस्नेतकै सकृयतामा एम्बुलेन्स खरिद अभियानमा लागेको पत्रकार महासंघ बाँकेलाई संघमा आवद्ध कर्मचारीहरुले २७ हजार १ सय १५ रुपैयाँ सहयोग गरेको हुन् ।

रकम हस्तान्तरण कार्यक्रममा संघका अध्यक्ष टेक बहादुर केसी, जनस्वास्थ्य निरीक्षक बन्सेत,राप्तीसोनारीका स्वास्थ्य शाखा प्रमुख रनरैनापुरका स्वास्थ्य शाखा प्रमुख लगायत संघका पुर्व अध्यक्षहरुको उपस्थिति रहेको थियो। उक्त रकम आज भेरी अस्पताल परिसरमा अन्जनी माता रसोईलाई र पत्रकार महासंघमा उक्त रकम हस्तान्तरण गरिएको हो।

यस्तो बिषम परिस्थितिमा स्वास्थ्यकर्मीहरुले जोखिम मोलेर कोरोना कहरमा अग्रपंक्तिमा काम गरिरहेको अवस्थामा आफ्नो तलब काटेर आर्थिक सहयोग गरेको प्रती बागेश्वरीपोस्टको तर्फबाट बिशेष धन्यवाद ।

प्रकाशित मिति: बुधबार, जेठ १२, २०७८ १८:३४

प्रतिक्रिया दिनुहोस्