महिला अधिकार दिवसमा सिलाईकटाई मेसिन सहयोग

स्थानीय

गृहपृष्ठ
स्थानीय
महिला अधिकार दिवसमा सिलाईकटाई मेसिन सहयोग

महिला अधिकार दिवसमा सिलाईकटाई मेसिन सहयोग

आइतबार, जेठ १६, २०७८ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले तेश्रो राष्ट्रिय महिला अधिकार दिवस विविध कार्यक्रम सहित मनाएको छ ।

दिवसको अवसरमा हिमानी कोषको सहयोगमा ११ जनालाई सिलाईकटाई मेसिन उपलब्ध गराइएको छ । नेपालगञ्ज उपमहानगरपालिकाले सञ्चालन गरेको सिलाईकटाई तालिममा सहभागी मध्ये उत्कृष्ट भएका ११ जनालाई आज मेसिन उपलब्ध गराइएको हो । नगर प्रमुख डा. धवलशम्शेर राणा, उपप्रमुख उमा थापा मगर, कार्यपालिका सदस्य इन्दिरा शाही लगायतले मेसिन हस्तान्तरण गर्नुभयो ।

महिलाको सुरक्षा र अधिकार, संकटकालीन व्यवस्थापन हाम्रो सरोकार भन्ने मूल नाराका साथ दिवस मनाएको छ । कोभिड संक्रमणलाई मध्यनजर गर्दै यस वर्षको दिवस मनाइएको उपप्रमुख थापा मगरले जानकारी दिनुभयो । उपमहानगरपालिकाले नगरका विभिन्न ११ मुख्य चौकमा दिवसको ब्यानर राखेको छ ।

नेपाल प्रहरीले थप एक स्थानमा ब्यानर राखेको छ । दिवसको अवसरमा आज विहान जुम प्रविधि मार्फत् रेडियो अन्तरक्रिया गरिएको छ । कार्यक्रममा उपप्रमुख मगर, सहायक प्रमुख जिल्ला अधिकारी दीर्घराज उपाध्याय,जिल्ला प्रहरी कार्यालय बाँकेका प्रमुख ओमवहादुर राना, अधिबक्ता सुनिता शर्मा लगायतको सहभागिता रहेको महिला, बालबालिका तथा जेष्ठ नागरिक शाखा प्रमुख शोभा शाहले जानकारी दिनुभयो ।

प्रकाशित मिति: आइतबार, जेठ १६, २०७८ १३:२९

प्रतिक्रिया दिनुहोस्