लकडाउनमा नेपालगन्जमा पसल खोलेका १ दर्जन पक्राउ

स्थानीय

गृहपृष्ठ
स्थानीय
लकडाउनमा नेपालगन्जमा पसल खोलेका १ दर्जन पक्राउ

लकडाउनमा नेपालगन्जमा पसल खोलेका १ दर्जन पक्राउ

मंगलबार, जेठ १८, २०७८ बागेश्वरी पोस्ट

नेपालगन्ज । लकडाउनको नियम उल्लंघन गर्दै पसल खोलेका १ दर्जन बढीलाई नेपालगन्जबाट प्रहरीले पक्राउ गरेको छ।

नेपालगन्जको त्रिभुवन चोक,त्रिबेणी मोड, साबा र एकलैने बजारमा लकडाउनको समयमा अटेरी गर्दै पसल खोलेका एक दर्जनलाई वडा प्रहरी कार्यालय नेपालगन्जका प्रमुख प्रहरी निरीक्षक डिल्ली खड्काको नेतृत्वको टोलीले पक्राउ गरेको जिल्ला प्रहरीले बाँकेले जानकारी दिएको छ।

पक्राउ परेकाहरुले लकडाउनमा नियम पालना नगरेर आफ्नो खुशीले पसल खोलेका कारण पक्राउ गरि वडा प्रहरी लगिएको थियो।

बाँके प्रहरीका अनुसार उनीहरुलाई अब उप्रान्त नियमपालना गरे पसल सन्चालन गर्ने,सामाजिक दुरी कायम गर्ने लगायत सबै नियम पालना गर्ने सर्तमा एक पटकलाई सम्झाई बुझाई छोडिएको प्रहरीले जानकारी दिएको छ।

फेरि पनि नियम पालना नगरेको पाइएमा कारबाही गरिने प्रहरीले जानकारी दिएको छ।

प्रकाशित मिति: मंगलबार, जेठ १८, २०७८ ०७:५०

प्रतिक्रिया दिनुहोस्