अन्जनी माता रसोईलाई ट्रेड युनियन कांग्रेस बाँकेको सहयोग

स्थानीय

गृहपृष्ठ
स्थानीय
अन्जनी माता रसोईलाई ट्रेड युनियन कांग्रेस बाँकेको सहयोग

अन्जनी माता रसोईलाई ट्रेड युनियन कांग्रेस बाँकेको सहयोग

बुधबार, जेठ १९, २०७८ बागेश्वरी पोस्ट

नेपालगन्ज । नेपाल ट्रेड युनियन कांग्रेस बाँकेले अन्जनी माता रसोई श्री सुन्दरकाण्ड मित्र मण्डललाई आर्थिक सहयोग गरेको छ ।

भेरी अस्पतालमा उपचार गराइरहेका कोभिडका बिरामी तथा अन्य बिरामीका कुरुवालाई २० रुपैयाँमा प्रति छाक खाना खुवाइरहेको अन्जनी माता रसोईलाई नेपाल ट्रेड युनियन कांग्रेस बाँकेले आज ५ हजार १ सय रुपैयाँ सहयोग गरेको हो । संकटको समयमा भेरी अस्पतालमा उत्कृष्ट सामाजिक कार्य गरिरहेको अन्जनी माता रसोईको कार्यलाई निरन्तरता दिन आर्थिक सहयोग गरिएको नेपाल ट्रेड युनियन कांग्रेस बाँकेका सचिव तोजिन्द्र बहादुर बिकले बताउनुभयो ।

नेपालगन्ज उपमहानगरपालिकाका कार्यवहाक मेयर उमा थापा मगरको उपस्थितिमा गरिएको सहयोग हस्तान्तरण कार्यक्रममा नेपाल ट्रेड युनियन कांग्रेसका केन्द्रिय सदस्य सीता काफ्ले, नेपाल ट्रेड युनियन कांग्रेस लुम्बिनी प्रदेशका अध्यक्ष मुकुन्द अधिकारी, नेपाल ट्रेड युनियन कांग्रेस बाँके शाखाका सचिव बिक, नेपाल शिक्षक महासंघ बाँकेका अध्यक्ष पवन यादव, नेपाल शिक्षक संघ बाँके अध्यक्ष बिरेन्द्र यादव लगायत हुनुहुन्थ्यो । सहयोग रकम नेपाल ट्रेड युनियन कांग्रेसका केन्द्रिय सदस्य काफ्लेले हस्तान्तरण गर्नुभएको थियो ।

प्रकाशित मिति: बुधबार, जेठ १९, २०७८ १८:२७

प्रतिक्रिया दिनुहोस्