बाँकेमा जेठ ३१ सम्म लम्बियो निषेधाज्ञा

स्थानीय

गृहपृष्ठ
स्थानीय
बाँकेमा जेठ ३१ सम्म लम्बियो निषेधाज्ञा

बाँकेमा जेठ ३१ सम्म लम्बियो निषेधाज्ञा

सोमबार, जेठ २४, २०७८ बागेश्वरी पोस्ट

नेपालगन्ज । बाँकेमा जारी गरिएको निषेधाज्ञा जेठ ३१ गतेसम्म लम्बिएको छ । बैशाख १३ गतेदेखि जारी निषेधाज्ञालाई पछिल्लो पटक जेठ २४ गतेसम्म निरन्तरता दिइएकोमा अब जेठ २१ गते राति १२ बजेसम्म लम्ब्याइएको हो ।

जिल्लामा कोभिड-१९ संक्रमणको जोखिम कायमै रहेकाले निषेधाज्ञा थप एक साता बढाइएको प्रमुख जिल्ला अधिकारी शिवराम गेलालले बताउनुभयो । नेपालगन्ज उपमहानगरपालिकामा भने बैशाख ८ गते राति १२ बजेदेखि नै निषेधाज्ञा लगाइएको थियो ।

यो अवधिमा अत्यावश्यक सेवा र सो का लागि प्रयोग हुने सवारी साधन बाहेक अन्य सबै प्रकारका सेवा निषेध गरिएको छ । पसल व्यवसाय संचालन, सवारी साधन र अत्यावश्यक काम बाहेकको हिंड्डुलमा पनि निषेध गरिएको छ । बैंक तथा बिमा, बीउ विजन, कृषि औजार, बिषादीका पसल, निर्माण सामग्री पाइने पसल भने सिमित कामदार राखेर स्वास्थ्य मापदण्ड अपनाएर खोल्न पाइनेछ ।

दैनिक उपभोग्य बस्तु खरिदका लागि भने विहान ७ देखि १२ बजेसम्म स्वास्थ्य सुरक्षाको मापदण्ड पालना गरेर पसल संचालन गर्न दिइनेछ । निषेधाज्ञा बढाइए पनि पछिल्लो समय उल्लंघन गर्ने क्रम भने बढेको छ ।

प्रकाशित मिति: सोमबार, जेठ २४, २०७८ १५:०२

प्रतिक्रिया दिनुहोस्