कोरियनपुर छिर्ने मुख्य सडकको मुखमै ठूलो भ्वाँङ, दुर्घटनाको जोखिम बढ्यो

स्थानीय

गृहपृष्ठ
स्थानीय
कोरियनपुर छिर्ने मुख्य सडकको मुखमै ठूलो भ्वाँङ, दुर्घटनाको जोखिम बढ्यो

कोरियनपुर छिर्ने मुख्य सडकको मुखमै ठूलो भ्वाँङ, दुर्घटनाको जोखिम बढ्यो

मंगलबार, असार १, २०७८ बागेश्वरी पोस्ट

नेपालगन्ज । नेपालगञ्जको वडा नम्बर १२ कोरियनपुर प्रवेश गर्ने मुख्य सडक भासिँदा दुर्घटनाको जोखिम बढेको छ । सुखेतरोडबाट भेरी प्राविधिक शिक्षालय हुँदै कोरियनपुर जाने मुख्य सडकको मुखमै भासिएर ठूलो भ्वाँङ परेपछि दुर्घटनाको जोखिम बढेको हो ।

कुसुम फिलिङ सेन्टरको छेउँको उक्त सडकको मुखमै ठूलो भ्वाँङ परेर दुर्घटनाको जोखिम बढेपछि स्थानीयले सडक मर्मतका लागि ध्यानाकर्षण गराएका छन् । रातिको समयमा दुर्घटना हुन थालेको स्थानीयको भनाई छ । सडक विग्रिएपछि कोरियनपुर क्षेत्रमा चार पाँग्रे गाडीहरु बैकल्पिक सडक भएर आउजाउ गरिरहेका छन् । शुरुमा सानो भ्वाङ भएपनि समयमै मर्मतसम्भार नगरिँदा अहिले सडक भत्किएर बिग्रिएको हो ।

नेपालगन्ज उपमहानगरपालिका वडा नम्बर १२ का वडाध्यक्ष बुद्धिसागर सुवेदीले भ्वाँङ परेर आउजाउमा नै समस्या भएपछि नगरपालिका र सडक डिभिजन कार्यालयसंग मर्मतका लागि समन्वय गरिरहेको दाबी गर्नुभयो । उक्त सडक एसियाली विकास बैंक (एडिबी) को आर्थिक सहयोगमा निर्माण भएको हो ।

प्रकाशित मिति: मंगलबार, असार १, २०७८ १५:३४

प्रतिक्रिया दिनुहोस्