नेपाल पत्रकार महासंघ बाँकेले पत्रकारका लागि २ लाखको दुर्घटना विमा गर्ने

स्थानीय

गृहपृष्ठ
स्थानीय
नेपाल पत्रकार महासंघ बाँकेले पत्रकारका लागि २ लाखको दुर्घटना विमा गर्ने

नेपाल पत्रकार महासंघ बाँकेले पत्रकारका लागि २ लाखको दुर्घटना विमा गर्ने

बुधबार, असार २, २०७८ बागेश्वरी पोस्ट

नेपालगन्ज । नेपाल पत्रकार महासंघ बाँके शाखाले पत्रकारहरुका लागि २ लाखको दुर्घटना विमा गर्ने भएको छ ।

अध्यक्ष दामोदर भण्डारीको अध्यक्षतामा आज बसेको बैठकले जिल्लाका पत्रकारहरुको सम्भावित जोखिमलाई मध्यनजर गर्दै उपचारमा सघाउ पुर्याउने उद्देश्यले सम्पूर्ण सदस्य र जिल्लामा क्रियाशील अन्य पत्रकारका लागि समेत २ लाखको दुर्घटना विमा (२० हजारसम्मको उपचार खर्च सहित) गर्ने निर्णय गरेको हो ।

उक्त निर्णय चाँडै कार्यान्वयन गर्ने गरी प्रक्रिया थालिएको र यसबाट मोफसलमा रही सञ्चार क्षेत्रमा क्रियाशील रहेका बाँकेका पत्रकारलाई आइपर्ने सम्भावित जोखिम टार्न सघाउ पुग्ने अपेक्षा गरिएको अध्यक्ष भण्डारीले बताउनुभयो ।

वैठकपछि सचिव कमल डाँगीद्वारा जारी विज्ञप्तीमा नेपाल पत्रकार महासंघ बाँकेको पहलमा हालसम्म जिल्लामा कार्यरत पत्रकारलाई कोरोना बिरुद्धको खोप लगाउन समन्वय गर्ने सरोकारवाला निकायप्रति आभार प्रकट गरिएको छ । कोरोना बिरुद्धको अभियानमा फ्रन्टलाइनमा रही काम गरेका धेरै पत्रकार अझै पनि खोप लगाउन वञ्चित भएकाले चाँडो भन्दा चाँडो खोपको व्यवस्था गर्न समेत महासंघले सम्बन्धित पक्षसँग जोडदार माग गर्ने निर्णय गरेको छ ।

साथै लगातारको वर्षाका कारण बाढी, पहिरोको जोखिम बढिरहेकाले बाढीको उच्च जोखिममा रहेको बाँकेमा पूर्व तयारी गरी जनधनको रक्षा गर्न समेत महासंघले सरोकारवाला निकायसँग अपिल गरेको छ ।

प्रकाशित मिति: बुधबार, असार २, २०७८ २०:१३

प्रतिक्रिया दिनुहोस्