कालिमाटी गाउँपालिकाको ५२ करोड ३५ लाखको बजेट पारित

स्थानीय

गृहपृष्ठ
स्थानीय
कालिमाटी गाउँपालिकाको ५२ करोड ३५ लाखको बजेट पारित

कालिमाटी गाउँपालिकाको ५२ करोड ३५ लाखको बजेट पारित

मंगलबार, असार ८, २०७८ बागेश्वरी पोस्ट

सल्यान । कालिमाटी गाउँपालिकाले आर्थिक वर्ष २०७८/२०७९ को नीति, कार्यक्रम र बजेट सर्वसम्मत रुपमा पारित गरेको छ । गाउँपालिकाको १०औं गाउँसभाले आज नीति, कार्यक्रम र बजेट पारित गरेको हो ।

गाउँपालिकाका अध्यक्ष दानबहादुर खत्री केसीले हिजो आर्थिक वर्ष २०७८/२०७९ को नीति तथा कार्यक्रम सभामा पेश गर्नुभएको थियो । उक्त नीति कार्यक्रम सभाले दफावार छलफल हिजो नै सर्वसम्मत रुपमा पारित गरेको थियो ।

आर्थिक वर्ष २०७८/२०७९ को नीति कार्यक्रम पारित भएपछि उपाध्यक्ष शहनशिला वली डिसीले सभामा पेश गर्नुभएको आर्थिक वर्ष २०७८/२०७९ को कुल बजेट ५२ करोड ३५ लाख २० हजारको अनुमानित आयव्ययको बजेट आज सभामा प्रस्तुत गर्नुभएको थियो ।

उपाध्यक्ष डिसीले प्रस्तुत गर्नुभएको बजेट आजै सर्वसम्मत रुपमा पारित भई दशौं गाउँसभा सम्पन्न भएको पालिकाका प्रमुख प्रशासकीय अधिकृत हरिबहादुर खत्रीले जानकारी दिनु भयो । उहाँका अनुसार नीति कार्यक्रम र बजेटले प्रमुख प्राथमिकता कोभिड १९ बाट रोजगारी गुमाएका र प्रभावित परिवारलाई कृषि तथा पशु क्षेत्रमा काम गर्न चाहनेलाई दिएको बताउनुभयो । यसका साथै बजेटले युवा रोजगारी सिर्जना गर्ने, शिक्षाको विकास र स्वास्थ्य सेवालाई पनि प्रमुख प्राथमिकता दिएको बताउनुभयो ।

'शिक्षा, स्वास्थ्य, कृषि र पूर्वाधार, कालिकाटी गाउँपालिकाको मूल आधार' भन्ने प्रमुख नाराका साथ सल्यानको कालिमाटी गाउँपालिकाले सल्यान जिल्लाका १० वटा स्थानीय तह मध्ये सबैभन्दा पहिला नीति, कार्यक्रम र बजेट पारित गरेको हो ।

प्रकाशित मिति: मंगलबार, असार ८, २०७८ १९:००

प्रतिक्रिया दिनुहोस्