बाँकेमा सार्वजनिक तथा निजी सवारी साधन चल्ने, के खुले के खुलेनन्(हेर्नुहोस् सूची)

स्थानीय

गृहपृष्ठ
स्थानीय
बाँकेमा सार्वजनिक तथा निजी सवारी साधन चल्ने, के खुले के खुलेनन्(हेर्नुहोस् सूची)

बाँकेमा सार्वजनिक तथा निजी सवारी साधन चल्ने, के खुले के खुलेनन्(हेर्नुहोस् सूची)

सोमबार, असार १४, २०७८ बागेश्वरी पोस्ट

नेपालगञ्ज । बाँकेमा सार्वजनिक तथा निजी सवारी साधन सञ्चालन गर्न दिने गरी फेरि एक साता निषेधाज्ञा थप गरिएको छ । जिल्लाभित्र मात्रै सार्वजनिक तथा निजी सवारी साधन जोर विजोर प्रणालीबाट सञ्चालन हुन पाउनेछन् । जोर गते जोर नम्बर र विजोर गते विजोर नम्बरका सार्वजनिक तथा निजी सवारी साधन चल्न पाउने जिल्ला प्रशासन कार्यालय बाँकेले जनाएको छ ।

कोभिड १९ संक्रमणको दर क्रमशः घट्दै गएको देखिएपनि जोखिमको अवस्था अझै कायमै रहेकाले रोकथाम र नियन्त्रणलाई प्रभावकारी बनाउन बैशाख १३ गतेदेखि जारी निषेधाज्ञालाई बाँके प्रशासनले असार २१ सम्म निरन्तरता दिएको हो । नेपालगञ्जमा भने बैशाख ९ गतेदेखि नै निषेधाज्ञा जारी गरिएको थियो ।

हेर्नुहोस् के के खुल्छन्, के के बन्द छन् ?

No description available.

जिल्ला प्रशासन कार्यालय बाँकेले एक/एक सातामा निषेधाज्ञा बढाउँदै लगेको छ । प्रमुख जिल्ला अधिकारी शिवराम गेलालद्वारा आज जारी आदेशमा रेष्टुरेन्टबाट हुने प्याकिङ तथा टेक अवे सेवा, विवाह, ब्रतबन्ध मृत्यु संस्कार लगायतका सामाजिक कार्यहरुमा बढीमा १५ जनासम्म सहभागी हुन पाउने, दैनिक उपभोग्य बस्तु लगायत अन्य पसल व्यवसायहरु विहान ९ बजेदेखि दिउँसो ४ बजेसम्म सञ्चालन गर्न पाइने गरी निषेधाज्ञा जारी गरिएको उल्लेख छ । वैकल्पिक सिकाईका माध्यमबाट हुने शिक्षण तथा सिकाई, भिडभाड नहुने उपाय अबलम्बन गरी सार्वजनिक निकाय, बिमा, बैंक तथा वित्तिय संस्थाबाट हुने सेवा प्रवाह, कृषि कार्य, उद्योग कलकारखाना, निर्माणस्थलमै श्रमिक कामदार रहने गरी निर्माण कार्यलाई निषेध गरिएको छैन ।

निषेधाज्ञामा शैक्षिक संस्था, सबै प्रकारका सभा, गोष्ठी, तालिम, सेमिनार, प्रदर्शन, भेला तथा सम्मेलन, सिनेमा हल, फन पार्क, पार्टी प्यालेस, क्यासिनो, दोहोरी, डान्सर, सैलुन तथा ब्युटी पार्लर, स्विमिङ पुल, जिमखाना, हेल्थ क्लब, पुजारीबाट हुने नित्य पूजा बाहेक धार्मिक तथा सांस्कृतिक गतिविधि, लामो दुरीका यात्रुवाहक सार्वजनिक सवारी साधन सञ्चालनमा रोक लगाइएको छ ।

प्रकाशित मिति: सोमबार, असार १४, २०७८ १५:१४

प्रतिक्रिया दिनुहोस्