बाँकेमा जोरबिजोर प्रणाली हट्यो, निषेधाज्ञा असार ३१ सम्म

स्थानीय

गृहपृष्ठ
स्थानीय
बाँकेमा जोरबिजोर प्रणाली हट्यो, निषेधाज्ञा असार ३१ सम्म

बाँकेमा जोरबिजोर प्रणाली हट्यो, निषेधाज्ञा असार ३१ सम्म

सोमबार, असार २१, २०७८ बागेश्वरी पोस्ट

जिल्ला प्रशासन कार्यालय बाँके

नेपालगन्ज । बाँकेमा सार्वजनिक तथा निजी सवारी साधन सञ्चालन गर्न दिने गरी फेरि १० दिन निषेधाज्ञा थप गरिएको छ । जिल्लाभित्र मात्रै सार्वजनिक तथा निजी सवारी साधन जोर विजोर प्रणालीबाट सञ्चालन हुने ब्यवस्था हटाएको जिल्ला प्रशासन कार्यालय बाँकेले जनाएको छ ।

यस्तै पसल व्यवसाय पनि विहान ९ बजेदेखि साँझ ७ बजेसम्म खोल्न दिइने भएको छ । यसअघि विहान ९ बजेदेखि अपरान्ह ४ बजेसम्म पसल व्यवसाय संचालनको अनुमति स्थानीय प्रशासनले दिएको थियो ।

कोभिड १९ संक्रमणको दर क्रमशः घट्दै गएको देखिएपनि जोखिमको अवस्था अझै कायमै रहेकाले रोकथाम र नियन्त्रणलाई प्रभावकारी बनाउन बैशाख १३ गतेदेखि जारी निषेधाज्ञालाई बाँके प्रशासनले असार ३१ सम्म निरन्तरता दिएको हो । नेपालगन्जमा भने बैशाख ९ गतेदेखि नै निषेधाज्ञा जारी गरिएको थियो ।