नेपालगञ्जमा ६० वर्ष पुगेका स्वयंसेविकाको विदाई

स्थानीय

गृहपृष्ठ
स्थानीय
नेपालगञ्जमा ६० वर्ष पुगेका स्वयंसेविकाको विदाई

नेपालगञ्जमा ६० वर्ष पुगेका स्वयंसेविकाको विदाई

शुक्रबार, साउन १, २०७८ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले ६० वर्ष उमेर पूरा भएका महिला स्वास्थ्य स्वयंसेविकाहरुलाई सम्मानसहित विदाई गरेको छ । आज नगर प्रमुख डा. धवलशम्शेर राणा, प्रमुख प्रशासकीय अधिकृत हिरालाल रेग्मी र स्वास्थ्य शाखा प्रमुख रामवहादुर चन्दले महिला स्वास्थ्य स्वयंसेविकाहरुलाई जनही नगद ५० हजारसहित सम्मानपत्रबाट सम्मानित गर्नुभयो ।

६० वर्ष पूरा भएका महिला स्वास्थ्य स्वयंसेविकाहरुले हालसम्म पु¥याएको योगदानको कदर स्वरुप सम्मान गरिएको नगर प्रमुख राणाले बताउनुभयो । महिला स्वास्थ्य स्वयंसेविकाहरुको सम्मानसहित विदाईका लागि संघीय सरकारले २० हजार रुपैयाँ मात्रै उपलब्ध गराएकोमा उपमहानगरपालिकाले ३० हजार थप गरी ५० हजार उपलब्ध गराइएको हो । नेपालगञ्जमा २०१ जना महिला स्वास्थ्य स्वयंसेविका रहेकोमा ६० वर्ष उमेर पूरा भएका ३३ जनालाई आज औपचारिक विदाई गरिएको छ ।

महिला स्वास्थ्य स्वयंसेविका नारायणी रुपाखेती, गीता राणा लगायतले आफूहरुले लामो समयसम्म सेवा गरेपनि विदाई हुने क्रममा सरकारबाट पर्याप्त सहयोग नपाएको गुनासो गर्नुभयो ।

प्रकाशित मिति: शुक्रबार, साउन १, २०७८ १६:१५