बाँके वाइसीएल संयोजक कार्कीकी आमाको हत्या

सुरक्षा-अपराध

गृहपृष्ठ
सुरक्षा-अपराध
बाँके वाइसीएल संयोजक कार्कीकी आमाको हत्या

बाँके वाइसीएल संयोजक कार्कीकी आमाको हत्या

अनुसन्धानमा जुटिसक्यो प्रहरी: बाँके प्रहरी प्रवक्ता न्यौपाने

आइतबार, साउन ३, २०७८ बागेश्वरी पोस्ट

नेपालगन्ज । बाँकेको कोहलपुरमा वाइसीएल बाँकेका संयोजक आकाश कार्कीको आमाको हत्या भएको छ ।

कोहलपुर वडा नम्बर ११ स्थित आफ्नै घरमा सुतिरहेको अवस्थामा गएराती ८२ वर्षीया साउनी कार्कीको हत्या भएको जिल्ला प्रहरी बाँकेले जानकारी दिएको छ ।

जिल्ला प्रहरी बाँके प्रमुख एसपी श्याम कृष्ण अधिकारी सहितको टोली घटनास्थल पुगेर फर्किएको बाँके प्रहरी प्रवक्ता डिएसपी मधुसुदन न्यौपानेले जानकारी दिएका छन् ।

प्रहरीले घटनाको अनुसन्धान सुरु गरिसकेको छ, घटनाबारे चाँडै पत्ता लाग्ने डिएसपी न्यौपानेले भने । प्रवक्ता न्यौपानेका अनुसार उनको गएराती हत्या भएको हो । घरमा नगद तथा गहना हराएकोले अनुसन्धानपछि मात्रै सबै कुरा प्रष्ट हुने प्रवक्ता न्यौपानेले भने ।

कार्कीको शबलाई पोष्टमाटमका लागि भेरी अस्पताल पठाइएको छ ।

प्रकाशित मिति: आइतबार, साउन ३, २०७८ १०:५२