दोलखाका प्रमुख जिल्ला अधिकारी गृहमन्त्रालय तानिए

समाचार

गृहपृष्ठ
समाचार
दोलखाका प्रमुख जिल्ला अधिकारी गृहमन्त्रालय तानिए

दोलखाका प्रमुख जिल्ला अधिकारी गृहमन्त्रालय तानिए

शुक्रबार, मंसिर २०, २०७६ बागेश्वरी पोस्ट

दोलखा । तरुण दलको आन्दोलन पछि दोलखाका प्रमुख जिल्ला अधिकारी खगेन्द्रप्रसाद रिजाल काठमाडौं तानिएका छन् ।

अभद्र व्यवहार सम्बन्धी कसूरका अभियुक्तसँग रकम असुली गरेको सार्वजनिक भएपछि रिजाललाई छानविनका लागि तानिएको हो ।गृह प्रवक्ता सहसचिव केदारनाथ शर्माले शुक्रबार रिजाललाई गृहमन्त्रालयमा तानिएको बताए । उनले भने, ‘उहाँमाथि लागेको आरोपको सम्बन्धमा अब छानविन हुन्छ ।’

रिजालले मेलुङ गाउँपालिका ४, भेड्पुका कुमार लामा मोक्तानसँग ९० हजार र कालिञ्चोक गाउँपालिका १ का उदिम तामाङ र इन्द्रबहादुर तामाङसँग बुधबार २१ हजार रुपैयाँ असुलेको आरोप लागेको छ । रकम लिएर मुद्दा नचलाउने निर्णय गरेको अभियुक्तको दाबी छ ।

प्रकाशित मिति: शुक्रबार, मंसिर २०, २०७६ १३:०१

प्रतिक्रिया दिनुहोस्