बाँकेमा खोलामा डुबेर तीन जनाको मृत्यु

स्थानीय

गृहपृष्ठ
स्थानीय
बाँकेमा खोलामा डुबेर तीन जनाको मृत्यु

बाँकेमा खोलामा डुबेर तीन जनाको मृत्यु

बुधबार, साउन ६, २०७८ बागेश्वरी पोस्ट

नेपालगन्ज । डुडुवा खोलामा पौडी खेल्ने क्रममा डुबेका तीन जना युवा मृत अवस्थामा भेटिएका छन् । बाँकेको कोहलपुर-१० मा रहेको डुडुवा खोला (बन्दा) मा पौडी खेल्ने क्रममा डुबेका तीनै जना नेपालगन्जका युवा रहेका छन् ।

आज दिउँसो पौडी खेल्ने क्रममा डुबेका नेपालगन्ज उप-महानगरपालिका-११ का १८ वर्षिय राशिद जसगढ, सोही ठाउँका १८ वर्षिय अरमान जसगढ र १६ वर्षिय आरिफ जसगढको मृत्यु भएको इलाका प्रहरी कार्यालय कोहलपुरका प्रमुख प्रहरी नायव उपरिक्षक रविन्द्र खनालले जानकारी दिए ।

पौडी खेल्ने क्रममा डुबेका उनीहरुको खोजीका लागि प्रहरी परिचालन गरिएकोमा केही समयको खोजीपछि खोलाबाट शव निकालिएको थियो ।मृतक तीनै जनाको शव पोस्टमार्टमको लागि भेरी अस्पताल नेपालगन्ज पठाएको र घटनाबारे थप अनुसन्धान सुरु गरिएको प्रहरी नायव उपरिक्षक खनालले जानकारी दिए ।

प्रकाशित मिति: बुधबार, साउन ६, २०७८ २१:०४

प्रतिक्रिया दिनुहोस्