सशस्त्र प्रहरीद्वारा बर्दियाका सिमा नाकाबाट अवैध सामाग्री बरामद

सुरक्षा-अपराध

गृहपृष्ठ
सुरक्षा-अपराध
सशस्त्र प्रहरीद्वारा बर्दियाका सिमा नाकाबाट अवैध सामाग्री बरामद

सशस्त्र प्रहरीद्वारा बर्दियाका सिमा नाकाबाट अवैध सामाग्री बरामद

मंगलबार, साउन १२, २०७८ बागेश्वरी पोस्ट

नेपालगन्ज ।सशस्त्र प्रहरीले भारतबाट बर्दिया ल्याउदै गरिएका अवैध सामाग्री बरामद गरेको छ।

भारतबाट बर्दियाको सिमा नाका हुँदै चोरीछिपाई ल्याउदै गरेको अवैध सामाग्री बरामद गरेको सशस्त्र प्रहरी बल नम्बर ३१ गण बर्दियाका एसपी नर बहादुर रावतले जानकारी दिएका छन् ।

सशस्त्र प्रहरी बल बर्दिया मातहतका विभिन्न बिओपीहरुले आज ८० हजार रुपैयाँ बराबरका अवैध सामाग्री बरामद गरेको एसपी रावतले बताए। एसपी रावतका अनुसार बरामद गरिएका अवैध सामग्रीमा चिनी¸ चप्पल¸ कस्मेटिक तथा किराना सामानहरु रहेका छन् ।

बरामद गरिएका सबै अवैध सामाग्रीलाई आवश्यक कार्बाहीको लागि भन्सार कार्यालय गुलरिया बर्दियामा बुझाईएको एसपी रावतले जानकारी दिएका छन् ।

प्रकाशित मिति: मंगलबार, साउन १२, २०७८ १७:५७