बाँकेमा महिला हिंसाका घटना बढी

सुरक्षा-अपराध

गृहपृष्ठ
सुरक्षा-अपराध
बाँकेमा महिला हिंसाका घटना बढी

बाँकेमा महिला हिंसाका घटना बढी

सोमबार, साउन १८, २०७८ बागेश्वरी पोस्ट

नेपालगन्ज । बाँके जिल्लामा आर्थिक वर्ष २०७७-७८ मा घरेलु हिंसाका घटना बढेका छन् । जिल्ला प्रहरी कार्यालय बालबालिका, महिला, ज्येष्ठ नागरिक केन्द्र महिला सेलकी सूचना अधिकृत रमा शिरिषले दिएको जानकारी अनुसार कूल ६ सय ६२ घटना दर्ता भएका र उजुरीमध्ये ५९ घटना सम्बन्धित निकाय (अदालत) मा न्यायका लागि लडिरहेका छन् । हाल १९१ घटनाबारे महिला सेलमा अनुसन्धान प्रक्रिया चलिरहेको छ ।

विसं २०७७ को भदौमा घरेलु हिंसाका सबैभन्दा बढी घटना दर्ता भएका छन् । भदौमा मात्र ८२ ठाडो उजुरी दर्ता भएका थिए । सबैभन्दा कम भने गत वैशाखमा उजुरी दर्ता भएका छन् । वैशाखमा ३२ मात्र उजुरी दर्ता भएका छन् । त्यस्तै कूल उजुरीमध्ये २४ निवेदक सम्पर्कमै नरहेको तथ्याङ्क छ ।

हाल विभिन्न बहानामा महिलामाथि हिंसा दिनप्रतिदिन भइरहेका छन् । महिला सेलका अनुसार आव २०७७-७८ को तथ्याङ्कअनुसार जिल्लामा हालसम्म दर्ता भएका उजुरीमध्ये ३ सय ८८ घटनाउपर मिलापत्र भइसकेको छ । हाम्राकुराबाट

प्रकाशित मिति: सोमबार, साउन १८, २०७८ ०९:२२