अत्याधुनिक पेस्तोलसहित दुई जना भारतीय दाङबाट पक्राउ

सुरक्षा-अपराध

गृहपृष्ठ
सुरक्षा-अपराध
अत्याधुनिक पेस्तोलसहित दुई जना भारतीय दाङबाट पक्राउ

अत्याधुनिक पेस्तोलसहित दुई जना भारतीय दाङबाट पक्राउ

मंगलबार, साउन १९, २०७८ बागेश्वरी पोस्ट

नेपालगन्ज । हतियारसहित दुई जना भारतीय नागरिकलाई प्रहरीले पक्राउ गरेको छ। जिल्ला प्रहरी दाङले उनीहरुलाई पक्राउ गरि पत्रकार सम्मेलन मार्फत सार्वजनिक गरेको हो।

पक्राउ पर्नेमा भारतको सिद्धार्थनगर पञ्चायत ३ का करमुल्हाल आमिर र सोही स्थानका राजा खाँनलाई अत्याधुनिक पेस्तोल र त्यसमा लाग्ने दुईवटा म्याग्जीन र दुई राउन्ड गोलीसहित प्रहरीले गढवा गाउँपालिका १ जुरौली देउखुरीबाट पक्राउ गरिएको जिल्ला प्रहरी दाङले जानकारी दिएको छ ।

बिशेष सूचनाका आधारमा जिल्ला प्रहरी दाङबाट खटिएको टोलीले सोमबार बेलुकी करिब ५ बजे गढवाबाट पक्राउ गरेको हो । पक्राउ परेका दुबै जनासँग अनुसन्धान भइरहेपनि ती भारतीयहरु हतियार बेच्न नेपाल आएको हुनसक्ने प्रहरीले अनुमान गरेको छ।।

प्रकाशित मिति: मंगलबार, साउन १९, २०७८ १४:४०