तुलसीपुरका २ जना लागूऔषध कारोबारी पक्राउ

सुरक्षा-अपराध

गृहपृष्ठ
सुरक्षा-अपराध
तुलसीपुरका २ जना लागूऔषध कारोबारी पक्राउ

तुलसीपुरका २ जना लागूऔषध कारोबारी पक्राउ

शनिबार, साउन २३, २०७८ बागेश्वरी पोस्ट

नेपालगन्ज । लागु औषध बेचबिखन गरेको आरोपमा प्रहरीले दुई जनालाई पक्राउ गरेको छ। लागू औषध सेवनकर्तालाई इलाका प्रहरी कार्यालय तुलसीपुरले पक्राउ गरेपछि कारोबारीको नाम बाहिर आएपछी २८ बर्षीया लक्ष्मी श्रेष्ठ र २० बर्षीय अरबिन्द्रसिंह ठकुरीलाई पक्राउ गरिएको हो।

तुलसीपुर उपमहानगरपालिका वडा नं ६ बाहिनी चोकमा ‘सानो संसार’ नामको खाजा घर सञ्चालन गर्दै आएकी श्रेष्ठलाई शुक्रवार पक्राउ गरिएको इप्रका तुलसीपुरका प्रमुख डिएसपी श्यामु अर्यालले जानकारी दिएका छन् । श्रेष्ठलाई उनकै खाजा घरबाटै पक्राउ गरेको डिएसपी अर्यालले भने।

त्यस्तै अर्का लागू औषध कारोबारी सल्यान जिल्ला कुमाख गाउँपालिका वडा नं ७ का बासिन्दा ठकुरीलाई भने नेपालगन्जबाट पक्राउ गरिएको प्रहरीले बताएको छ। प्रहरीले गरेको अनुसन्धानबाट श्रेष्ठ र ठकुरी मिलेर तुलसीपुरमा लामो समयदेखि अबैद्य रुपमा लागू औषधको कारोबार गर्दै आएको बुझिएको छ। ।

पक्राउ परेका धेरैले उनीहरुबाटै लागू औषध खरिद गरेको बयान गरेको डिएसपी अर्यालले बताए। आफ्नो नाम बाहिर आएपछी ठकुरी नेपालगन्ज भागेको प्रहरीले बताएको छ। पक्राउ परेका दुबै जनासंग थप अनुसन्धान भइरहेको प्रहरीले जानकारी दिएको छ।

प्रकाशित मिति: शनिबार, साउन २३, २०७८ १८:२८

प्रतिक्रिया दिनुहोस्