सन्तानेश्वर मन्दिर प्रवेशद्वार र मन्दिर परिसरमा सरसफाई

स्थानीय

गृहपृष्ठ
स्थानीय
सन्तानेश्वर मन्दिर प्रवेशद्वार र मन्दिर परिसरमा सरसफाई

सन्तानेश्वर मन्दिर प्रवेशद्वार र मन्दिर परिसरमा सरसफाई

बिहीबार, साउन २८, २०७८ बागेश्वरी पोस्ट

नरैनापुर(बाँके) । बाँकेको नरैनापुरस्थित पर्यटकीय स्थल सन्तानेश्वर महादेव मन्दिर प्रवेशद्वार र मन्दिर परिसरमा सरसफाई गरिएको छ । अन्तर्राष्ट्रिय युवा दिवसको अवसरमा नरैनापुर गाउँपालिकाको सहयोगमा नमुना युवा क्लब नरैनापुर ६ बाँकेले सरसफाई गरेको हो ।

मन्दिर प्रवेशद्वार स्थल कोहला र मन्दिर वरिपरिको क्षेत्रमा क्लब आबद्ध २५ जना युवासंगै ४० जनाको सहभागितामा सरसफाई गरिएको क्लबका कार्यकारी निर्देशक एवम् सरसफाई कार्यक्रमका संयोजक अरुण कुमार यादवले बताउनुभयो । सरससफाईका लागि गाउँपालिकाले फरुवा, तसला, बेल्चा लगायत सहयोग गरेको थियो ।

पछिल्लो समय चर्चामा रहेको सन्तानेश्वर महादेव मन्दिर पुग्ने मानिसहरुको हिजोआज भीड नै लाग्ने गरेको छ । मन्दिर पुग्ने मानिसहरुले फालेका विभिन्न फोहर बढ्ने क्रम देखेर सरसफाई गर्नुपर्ने देखिएकाले सरसफाईको संस्कार बसाउन युवा दिवसको अवसरमा सरसफाई गरिएको यादवले बताउनुभयो ।

बाँकेको नेपालगञ्जदेखि हुलाकी राजमार्ग हुँदै करिब २५ किलोमिटर पूर्व दक्षिणमा रहेको नरैनापुर गाउँपालिका वडा नम्बर ६ कोहलादेखि करिब ८ किलोमिटर उत्तर पूर्व पहाडमा सन्तानेश्वर महादेवको मन्दिर अवस्थित छ । अहिले यो क्षेत्र आन्तरिक पर्यटकहरुको रोजाई बन्न थालेको छ । गाउँपालिकाले यसलाई पर्यटकीय क्षेत्रका रुपमा विकास गर्ने गरी योजना बनाएको प्रमुख प्रशासकीय अधिकृत दलबहादुर बस्नेतले बताउनुभयो ।

फोटो फिचर

No description available.