बाँकेमा ट्रकले मोटरसाइकललाई ठक्कर दिँदा दुई जनाको मृत्यु

स्थानीय

गृहपृष्ठ
स्थानीय
बाँकेमा ट्रकले मोटरसाइकललाई ठक्कर दिँदा दुई जनाको मृत्यु

बाँकेमा ट्रकले मोटरसाइकललाई ठक्कर दिँदा दुई जनाको मृत्यु

सोमबार, साउन ३२, २०७८ बागेश्वरी पोस्ट

नेपालगन्ज । बाँकेको राप्तीसोनारी गाउँपालिका अन्तर्गत् पर्ने महेन्द्र राजमार्ग सडकखण्डमा दुर्घटना हुँदा दुई जनाको मृत्यु भएको छ।

राप्तीसोनारी गाउँपालिका १ गाभरमा आज बिहान ट्रकले मोटरसाइकललाई ठक्कर दिँदा मोटरसाइकल सवार दुई जनाको मृत्यु भएको इलाका प्रहरी कार्यालय कोहलपुरले जानकारी दिएको छ । मृत्यु हुनेमा बासगढी ८ बर्दियाका २२ वर्षीय चेतन बोहरा र २४ वर्षीय प्रदिप चौधरी रहेका छन् ।

इलाका प्रहरी कोहलपुरका अनुसार पूर्वतर्फ जाँदै गरेको ना६ख ६७९९ नम्बरको ट्रकले लु६प १८२२ नम्बरको मोटरसाइकललाई ठक्कर दिएको थियो । ट्रकको ठक्करबाट गम्भीर घाइते भएका बोहोरा र चौधरीको उपचारका क्रममा नेपालगन्ज मेडिकल कलेज कोहलपुरमा मृत्यु भएको छ ।

मोटरसाइकललाई ठक्कर दिने ट्रकलाई नियन्त्रणमा लिएर अनुसन्धान सुरु गरिएको इलाका प्रहरी कार्यालय कोहलपुरले जानकारी दिएको छ ।

प्रकाशित मिति: सोमबार, साउन ३२, २०७८ १२:००