हराएको मोटरसाइकल भेट्टायो वडा प्रहरीले

सुरक्षा-अपराध

गृहपृष्ठ
सुरक्षा-अपराध
हराएको मोटरसाइकल भेट्टायो वडा प्रहरीले

हराएको मोटरसाइकल भेट्टायो वडा प्रहरीले

बुधबार, भदौ २, २०७८ बागेश्वरी पोस्ट

नेपालगन्ज । वडा प्रहरी नेपालगन्जले हराएको मोटरसाइकल फेला पारी मोटरसाइकल धनीलाई बुझाएको छ । प्रहरीले कोहलपुर नगरपालिका वडा नं.६ का फन्दु थारुको मोटरसाइकल फेला पारेर बुझाएको हो ।

साउन २६ गते दिउँसो १ बजे नेपालगंज उपमहानगरपालिका वडा नं.१३ नेपाल बैंक अगाडि पार्किङ गरिराखेको भे. ३ प. ७७७१ नम्बरको मोटरसाइकल चोरी भई हराएको भनी थारुले प्रहरीलाई जानकारी गराएका थिए । त्यस पश्चात् वडाबाट खटिएको प्रहरी टोलीले खोजतलास गर्दा नेपालगन्ज उपमहानगरपालिका वडा नं. ९ नापी कार्यालय नजिकबाट साउन २९ गते साँझ ७ बजे वेवारिसे अवस्थामा उक्त मोटरसाइकल फेला पारेको थियो ।

फेला पारिएको उक्त मोटरसाइकल आज मोटरसाइकल धनी थारुलाई बुझाइएको वडा प्रहरी कार्यालय नेपालगन्जले जनाएको छ ।

प्रकाशित मिति: बुधबार, भदौ २, २०७८ १८:१२

प्रतिक्रिया दिनुहोस्