मोटरसाइकल चोरी गर्ने गिरोह रंगेहात पक्राउ

सुरक्षा-अपराध

गृहपृष्ठ
सुरक्षा-अपराध
मोटरसाइकल चोरी गर्ने गिरोह रंगेहात पक्राउ

मोटरसाइकल चोरी गर्ने गिरोह रंगेहात पक्राउ

बिहीबार, भदौ ३, २०७८ बागेश्वरी पोस्ट

कोहलपुर । बाँकेको कोहलपुरमा मोटरसाइकल चोरी गर्ने गिरोह रंगेहात पक्राउ परेको छ ।

इलाका प्रहरी कार्यालयबाट खटिएको प्रहरी टोलीले आज बिहान पौने ३ बजे कोहलपुर नगरपालिका वडा नम्बर ११ स्थित बसपार्कको पूर्वतर्फको सडकमा मोटरसाइकल चोरी गर्दै गरेको तीन जनाको गिरोहलाई पक्राउ गरेको हो । पक्राउ परेका तीनै जना रुकुमका हुन् । पक्राउ पर्नेमा रुकुम पश्चिमको चौरजहारी नगरपालिका वडा नं.११ बस्ने बर्ष १८ का अनुप चन्द, बर्ष २० का सुन्दर मल्ल र बर्ष १८ को अम्मर विक छन् ।

उनीहरुले चोरी गरी लैजाँदै गरेको भे ३ प ६००४ नम्बरको डिस्कभर कालो निलो रंगको मोटरसाइकल १ थान, एनएस मोटरसाइकलको निलो रंगको हेडलाइट १ थान, पल्सर मोटरसाइकलको निलो रंगको ट्यांकी कभर १ थान र मोटरसाइकलका पाटपुर्जाहरु खोल्न प्रयोग गरिने स्क्रु ड्राइभर १ थान, रेन्ची १ थान, मोटरसाइकल स्टिकर ७ थान, मोवाइल सेट ३ थान र १३ चक्की नाइट्रोभ्याट भन्ने लागूऔषध बरामद गरिएको इलाका प्रहरी कार्यालय कोहलपुरका प्रमुख प्रहरी नायब उपरीक्षक रबिन्द्र खनालले जानकारी दिनुभयो । पक्राउ परेका उनीहरुमाथि अनुसन्धान भइरहेको प्रहरीले जनाएको छ ।

प्रकाशित मिति: बिहीबार, भदौ ३, २०७८ १९:४४

प्रतिक्रिया दिनुहोस्