दाङबाट करोडौं मुल्यको कस्तुरीको बिनासहित दुई जना पक्राउ

सुरक्षा-अपराध

गृहपृष्ठ
सुरक्षा-अपराध
दाङबाट करोडौं मुल्यको कस्तुरीको बिनासहित दुई जना पक्राउ

दाङबाट करोडौं मुल्यको कस्तुरीको बिनासहित दुई जना पक्राउ

तीन थान चितुवाको छालासहित तीन जना पक्राउ

सोमबार, भदौ ७, २०७८ बागेश्वरी पोस्ट

नेपालगन्ज । जिल्ला प्रहरी कार्यालय दाङले करोडौं मुल्य बराबरको ३१ ग्राम दूई सय मिली ग्राम तौलको कस्तुरीको बिना बरामद गरेको छ।
पत्रकार सम्मेलनमा दाङ प्रहरी प्रमुख एसपी सुरेश काफ्लेले घोराही उपमहानगरपालिका वडा नं १५ शहिद गेट स्थित होटेल टुडे प्लाजाबाट कस्तुरीको बिनासहित दूई ब्यक्तिलाई पक्राउ गरिएको बाताए।

एसपी काफ्लेका अनुसार कस्तुरीसहित पक्राउ पर्नेमा घोराही ७ का ३३ बर्षीय मोहन बुढा र प्यूठान नगरपालिका वडा नं १ का २२ बर्षीय मदन केसी रहेका छन् । उनीहरुलाई गोप्य सूचनाको आधारमा हिजो साँझ सोही होटेलको कोठा नं २ बाट कस्तुरीको बिनासहित बुढा र केसीलाई नियन्त्रणमा लिएको काफ्लेले बताए। त्यस्तै दाङमा पहिलो पटक कस्तुरीको बिना बरामद भएको हो।

त्यस्तै दाङ प्रहरीले लमही नगरपालिका वडा नं ९ अमिलियाबाट तीन थान चितुवाको छालासहित तीन जनालाई पक्राउ गरेको छ। जिल्ला प्रहरी दाङका अनुसार चितुवाको छालासहित पर्नेमा पाटन नगरपालिका वडा नं ६ बैतडीका २० बर्षीय बिमल औजी, सोही स्थानका २८ बर्षीय प्रदीपकुमार बिक र २० बर्षकै हेमन्त औजी रहेका छन् ।
जिल्ला प्रहरी कार्यालय र इलाका प्रहरी कार्यालय अमिलियाको प्रहरी टोलीले कोहलपुरबाट लमही तर्फ जाँदै गरेको प्रदेश ३–०१–०२३ च ७६३८ नम्बरको कार चेकजाँच गर्ने क्रममा तीन युवासहित ७ फिट ६ इञ्च लम्बाई रहेका तीन थान चितुवाको छाला बरामद गरेको आजको पत्रकार सम्मेलनमा एसपी काफ्लेले बताए।

पक्राउ परेका सबैलाई आबश्यक कारबाहीका लागि डिभिजन कार्यालय दाङ बुझाइएको जिल्ला प्रहरी कार्यालय दाङले जानकारी दिएको छ।

प्रकाशित मिति: सोमबार, भदौ ७, २०७८ १७:२०