गुण्डा नाइके 'सन्ते' सहित तीन जना पक्राउ

सुरक्षा-अपराध

गृहपृष्ठ
सुरक्षा-अपराध
गुण्डा नाइके 'सन्ते' सहित तीन जना पक्राउ

गुण्डा नाइके 'सन्ते' सहित तीन जना पक्राउ

बुधबार, भदौ ९, २०७८ बागेश्वरी पोस्ट

नेपालगन्ज । कोहलपुर प्रहरीले गुण्डा नाइके ‘सन्ते’ सहित तीन जनालाई सुर्खेतबाट पक्राउ गरेको छ । बाँकेको नेपालगञ्ज उपमहानगरपालिका वडा नम्बर २० थपुवा बस्ने १७ वर्षिय पुरन विक र १८ वर्षिय टेक बहादुर विकलाई निर्घात कुटपिट गरी फरार भएका ‘सन्ते’ भनिने बसन्त रावत, २० वर्षीय प्रकाश बुढा र नविन थापालाई प्रहरीले पक्राउ गरी आज सार्वजनिक गरेको हो ।

प्रहरीका अनुसार रावतको नेतृत्वमा १०/१२ जनाको टोलीले गत साउन २४ गते राती २ बजेको समयमा विक द्वयलाई आक्रमण गरेको थियो । उनीहरुले खुँडा, खुकुरी, तरबार र भाला लगायतका घरेलु हतियार साथमा लिई ज्यान मार्ने उद्देश्यले विक दाजुभाइलाई निर्घात रुपमा कुटपिट गरी मरणासन्न अवस्थामा झाडीमा फालेर भागेका थिए ।

इलाका प्रहरी कार्यालय कोहलपुरका प्रमुख डिएसपी रविन्द्र खनालका अनुसार उक्त घटनामा संलग्न ४ जनालाई यसअघि नै पक्राउ गरिएको भएपनि मुख्य अभियुक्त ‘सन्ते’ सहितका युवाहरु फरार थिए । खनालले इलाका प्रहरी कार्यालय कोहलपुरबाट सादा पोशाकमा खटिएको प्रहरी टोलीले सुर्खेतमा लुकिछिपी बसेको अवस्थामा उनीहरुलाई पक्राउ गरी ल्याएको जानकारी दिनुभयो ।

कुटपिटबाट घाइते भएका विक दाजुभाइको केही समय काठमाण्डौमा उपचारपछि अहिले नेपालगन्ज मेडिकल कलेज नेपालगन्जमा उपचार भइरहेको कोहलपुर प्रहरीले जनाएको छ ।

प्रकाशित मिति: बुधबार, भदौ ९, २०७८ १९:०४

प्रतिक्रिया दिनुहोस्