बाँकेको राप्ती र मानखोलामा डुबेर दुई जना बेपत्ता

स्थानीय

गृहपृष्ठ
स्थानीय
बाँकेको राप्ती र मानखोलामा डुबेर दुई जना बेपत्ता

बाँकेको राप्ती र मानखोलामा डुबेर दुई जना बेपत्ता

बुधबार, भदौ २३, २०७८ बागेश्वरी पोस्ट

नेपालगन्ज । बाँकेका दुई छुट्टाछुट्टै स्थानमा खोलामा डुबेर दुई जना बेपत्ता भएका छन् ।

जिल्ला प्रहरी बाँकेका अनुसार डुडुवा गाउँपालिका ४ मा रहेको राप्ती नदीमा मलामी गएका नेपालगन्ज १० भृकुटीनगर बस्ने अन्दाजी २६/२७ बर्षका सरोज चन्द आज बिहान साढे ११ बजे पुल नजिकबाट डुबेर बेपत्ता भएका हुन् ।

त्यस्तै अर्का एक जना पुरुष मानखोला तर्ने क्रममा डुबेर बेपत्ता भएको बाँके प्रहरीले जानकारी दिएको छ । खजुरा गाउँपालिका ७ मानखोलास्थित सोही गाउँका अन्दाजी ५५ बर्षका बिक्रम राई खोलामा डुबेर बेपत्ता भएका छन् । आज बिहान १० बजे राईले दाउरा खोजेर खोला तर्ने क्रममा डुबेर बेपत्ता भएको प्रहरीले जानकारी दिएको छ ।

बेपत्ता भएका दुबै जनाको नेपाल प्रहरी, सशस्त्र प्रहरी र स्थानीयहरुको प्रयासमा खोजी कार्य भइरहेको जिल्ला प्रहरी बाँकेले जानकारी दिएको छ ।

प्रकाशित मिति: बुधबार, भदौ २३, २०७८ १५:०४

प्रतिक्रिया दिनुहोस्