जिल्ला प्रहरी बाँकेद्वारा नेपालगन्जबाट साढे २ लाख बराबरका अवैध सामाग्री बरामद

सुरक्षा-अपराध

गृहपृष्ठ
सुरक्षा-अपराध
जिल्ला प्रहरी बाँकेद्वारा नेपालगन्जबाट साढे २ लाख बराबरका अवैध सामाग्री बरामद

जिल्ला प्रहरी बाँकेद्वारा नेपालगन्जबाट साढे २ लाख बराबरका अवैध सामाग्री बरामद

सोमबार, भदौ २८, २०७८ बागेश्वरी पोस्ट

नेपालगन्ज । जिल्ला प्रहरी बाँकेले नेपालगन्जबाट ठुलो परिमाणमा अवैध सामाग्री बरामद गरेको छ।

भारतबाट भन्सार छलेर नेपालगन्ज ल्याउदै गरिएका २ लाख ४६ हजार ४४० रुपैयाँ बराबरका अवैध बस्तु तथा सामाग्रीलाई आइतबार नेपालगन्ज १० बाट बरामद गरेको बाँके प्रहरी प्रमुख एसपी श्याम कृष्ण अधिकारीले जानकारी दिएका छन् ।

एसपी अधिकारीका अनुसार बरामद गरिएका बस्तु तथा सामाग्रीमा लेडिज कुर्ता सुरुवाल,सुपारी, चिनी, गाडी मोटरको पार्ट-पुर्जा, सिसाको गिला र खसी रहेका छन् । बरामद गरेका सबै अवैध बस्तु तथा सामाग्रीलाई आज नेपालगन्ज भन्सार बुझाइएको बाँके प्रहरीले बताएको छ।

बाँके प्रहरीको कमान्ड सम्हालेयता एसपी अधिकारीले तस्करीविरुद्ध उत्रन सबै प्रहरी कार्यालयहरुलाई निर्देशन दिदै आएका छन् । प्रहरीले मुख्य भन्सारबाट नभई अन्य चोर बाटो हुँदै नेपालगन्ज ल्याउदै गरिएका अवैध सामग्री धमाधम बरामद गर्दै आएको छ।

प्रकाशित मिति: सोमबार, भदौ २८, २०७८ १९:०८

प्रतिक्रिया दिनुहोस्