बाँकेको गाभरमा बाघको आतंक, निकुञ्जको टोली गाभर जङ्गलभित्र

स्थानीय

गृहपृष्ठ
स्थानीय
बाँकेको गाभरमा बाघको आतंक, निकुञ्जको टोली गाभर जङ्गलभित्र

बाँकेको गाभरमा बाघको आतंक, निकुञ्जको टोली गाभर जङ्गलभित्र

बुधबार, भदौ ३०, २०७८ बागेश्वरी पोस्ट

नेपालगन्ज । राप्तीसोनारी गाउँपालिका १ गाभरमा गत आइतबार साँझ एक जना "भैया" भनिने ४५ वर्षीय पुरुषलाई बाँके राष्ट्रिय निकुञबाट निस्केको पाटेबाघले मारेर खाएपपछि स्थानीयवासीहरु त्रसित बन्दै गएका छन् ।

बाँके राष्ट्रिय निकुञ्जबाट निस्किएर मान्छे खाने दुई पाटेबाघ दिनहुँजसो सडकमा देखिने गरेका कारण स्थानीयवासी त्रसित हुन पुगेको राप्तीसोनारी गाउँपालिका १ का कांग्रेस नेता कमल कार्कीले बताए। अहिले राप्तीसोनारी १ बाँकेका गाभर, कुसुम, सौंरीगाउँका बासिन्दा र मोटरसाइकलमा यात्रा गर्ने यात्रुहरु बाघ आएर कतै झम्टिने पो हो कि भन्ने डरले त्रसित अवस्थामा रहेको कार्कीले भने । मंगलबार पनि स्थानीय बासिन्दाले दिउँसै बाघ गाउँ नजिकै राजमार्गमा ओहोरदोहोर गरिरहेको बताए ।

मान्छे खान दुई दिन अघिदेखि नै गाभर सडकको वरपर दुई पाटेबाघ घुमिरहेको पाइएको स्थानीयवासीहरुले बताए । मान्छे खाएको भोलिपल्ट मात्रै छ पटकसम्म ती दुई वटै बाघ मङ्गलबार फेरि मान्छे खाएको घटनास्थल नजिकै राजमार्गमा देखापरेको बाँके राष्ट्रिय निकुञ्ज मध्येवर्ती क्षेत्रका अध्यक्ष गेहेन्द्र कुमार खड्काले बताए । अध्यक्ष खड्काका अनुसार अहिले मान्छे खाने पाटेबाघलाई नियन्त्रणमा लिनलाई दुईवटा हात्ती, ठुलो संख्यामा सेना परिचालन गरिएको छ । बाघलाई नियन्त्रणमा लिन निकुञ्जबाट आएको प्राविधिक टोलीसहित आफु पनि गाभर जङ्गलमा छिरिसकेको अध्यक्ष खड्काले बताए ।

दुई वटा हात्तीले बाघलाई जङ्गलभित्रै धपाउन सहयोग गरिरहेको खड्काले भने । पाटेबाघले मान्छे खाएको स्थान र अन्य स्थानमा थप दुई वटा सेन्सर क्यामेरा लगाइसकेको बाँके राष्ट्रिय निकुञ्जले जानकारी दिएको छ । बाघको आङ्तक फैलिएपछि निकुञ्जले स्थानीयहरुको मदतका लागि बाघ नियन्त्रण गर्न हरेक उपायहरु अपनाइरहेको छ । यता सुरक्षाका लागि जिल्ला प्रशासन कार्यालय बाँकेले बाँकेको पूर्वमा पर्ने शिबखोलादेखि कोहलपुर चेकपोस्टसम्म रात्रीकालीन समयमा मोटरसाइकल तथा साना गाडी सञ्चालनमा रोक लगाइसकेको छ ।

प्रकाशित मिति: बुधबार, भदौ ३०, २०७८ ११:५४

प्रतिक्रिया दिनुहोस्