जिल्ला बाँके प्रहरीले राँगा र सशस्त्र प्रहरीद्वारा बुङगुर बरामद

स्थानीय

गृहपृष्ठ
स्थानीय
जिल्ला बाँके प्रहरीले राँगा र सशस्त्र प्रहरीद्वारा बुङगुर बरामद

जिल्ला बाँके प्रहरीले राँगा र सशस्त्र प्रहरीद्वारा बुङगुर बरामद

शुक्रबार, असोज १, २०७८ बागेश्वरी पोस्ट

नेपालगन्ज । जिल्ला प्रहरी बाँकेले भारतबाट अवैध रुपमा भित्र्याएका राँगाहरु बरामद गरेको छ भने सशस्त्र प्रहरी बल नम्बर ३० गण बागेश्वरी बाँकेले अवैध बुङ्गुर बरामद गरेको छ।

जिल्ला प्रहरी बाँकेको टोलीले भारतबाट ल्याइएका २ जोडी राँगालाई नेपालगन्ज १२ कोरियनपुरबाट बरामद गरेको जिल्ला प्रहरी बाँकेले जानकारी दिएको छ। बिहिवार साँझ बरामद गरिएका ८० हजार रुपैयाँ बराबरका राँगाहरुलाई नेपालगन्ज भन्सार कार्यालय बुझाइएको बाँके प्रहरीले बताएको छ।

उता आज बिहान ३ बजे सशस्त्र प्रहरी बल नम्बर ३० गण बाँकेबाट सशस्त्र प्रहरी नायब निरीक्षक लक्ष्मण चौधरीको कमान्डमा गएको टोलीले ३ जोडी बुङगुर बरामद गरेको छ।

भारतबाट बिहानको समयमा चोरीछिपाई ल्याउदै गरिएका बुङगुरलाई डुडुवा ६ भाटनपुर्वा फेला पारेको सशस्त्र प्रहरीले जानकारी दिएको छ। बुङगुर ल्याउदै गरेका तस्करहरु भने भारततर्फनै फरार भएको सशस्त्र प्रहरीले जानकारी दिएको छ।

बरामद गरिएका ६० हजार मुल्यका बुङगुरलाई आजै नेपालगन्ज भन्सार कार्यालय बुझाइएको सशस्त्र प्रहरीले बताएको छ।

प्रकाशित मिति: शुक्रबार, असोज १, २०७८ १८:३०

प्रतिक्रिया दिनुहोस्