जमुनाहा बिओपीद्वारा नेपालगन्जबाट ठूलो परिमाणमा अवैध सामग्री बरामद

स्थानीय

गृहपृष्ठ
स्थानीय
जमुनाहा बिओपीद्वारा नेपालगन्जबाट ठूलो परिमाणमा अवैध सामग्री बरामद

जमुनाहा बिओपीद्वारा नेपालगन्जबाट ठूलो परिमाणमा अवैध सामग्री बरामद

सोमबार, असोज ४, २०७८ बागेश्वरी पोस्ट

नेपालगन्ज । सशस्त्र प्रहरीको बिओपी गस्तीले नेपालगन्जको सिमा नाकाबाट भारतबाट भित्रिँदै गरेको ठूलो परिमाणमा अवैध सामग्री बरामद गरेको छ ।

सशस्त्र प्रहरीको नेपालगन्ज भन्सारस्थित जमुनाहा बिओपीका प्रमुख सशस्त्र प्रहरी निरीक्षक जीवनलाल बुढाको कमान्डमा गएको गस्ती टोलीले भारतबाट तस्करहरुले भन्सार छली गरेर ल्याउँदै गरेको लाखौं रुपैयाँ बढीका अवैध लत्ताकपडा एवं किराना सामग्री बरामद गरेको सशस्त्र प्रहरी बल नम्बर ३० गण बागेश्वरी बाँकेले जानकारी दिएको छ ।

बिशेष सुराकीका आधारमा नेपालगन्ज १५ जमुनाहा गाउँ नजिकै इलाका प्रहरी कार्यालय जमुनाहादेखि पूर्वतिरको बाटो हुँदै भारतबाट ठूलो परिमाणमा कपडा आइरहेको सूचना आए लगत्तै सशस्त्र प्रहरी निरीक्षक बुढाको टोलीले त्यसतर्फ गएर आज बिहान साढे १० बजे उक्त अवैध सामग्रीहरु बरामद गरेको सशस्त्र प्रहरीले जानकारी दिएको छ । बरामद गरिएका सबै अवैध सामग्रीलाई आवश्यक कारबाहीका लागि आजै नेपालगन्ज भन्सार कार्यालय बुझाइएको सशस्त्र प्रहरीले जानकारी दिएको छ ।

नेपालगन्ज भन्सार कार्यालय, सशस्त्र र नेपाल प्रहरीले मुख्य सीमा नाकामा कडाई गरेपछि तस्करहरुले चोर नाका हुँदै अवैध सामग्री नेपालगन्जतर्फ ल्याएपनि सशस्त्र प्रहरीले धमाधम बरामद गर्दै आएको छ ।

प्रकाशित मिति: सोमबार, असोज ४, २०७८ १२:५७

प्रतिक्रिया दिनुहोस्