छुट्टाछुट्टै दुर्घटनामा दुईजनाको मृत्यु,दुई घाइते

समाचार

गृहपृष्ठ
समाचार
छुट्टाछुट्टै दुर्घटनामा दुईजनाको मृत्यु,दुई घाइते

छुट्टाछुट्टै दुर्घटनामा दुईजनाको मृत्यु,दुई घाइते

बुधबार, मंसिर २५, २०७६ बागेश्वरी पोस्ट

हेटौंडा । छुट्टाछुट्टै दुर्घटनामा दुईजनाको मृत्यु भएको छ। मकवानपुरको हेटौंडा र मकवानपुरगढी गरी दुई छुट्टाछुट्टै स्थानमा गएराति सवारी दुर्घटनामा हुँदा दुई जनाको मृत्यु भएको छ भने दुई जना घाइते भएका छन् ।

गएराति हेटौंडा बजारबाट मकवानपुरगढीतर्फ जाँदै गरेको बा ४ ख ६३५५ नम्बरको टिपरले ठक्कर दिँदा एकको मृत्यु भएको छ । मकवानपुरगढी गाउँपालिका–४, मक्रान्चुली नजिककै टिपरले ठक्कर दिँदा स्थानीयवासी ३४ वर्षीय दीपक पाख्रिनको घटनास्थलमै मुत्यु भएको जिल्ला प्रहरी कार्यालयले जनाएको छ । प्रहरीका अनुसार दुर्घटनापछि टिपर चालक फरार छन् भने टिपर प्रहरी नियन्त्रणमा छ ।

त्यस्तै गएराति नै हेटौँडा उपमहानगरपालिका–९ पशुपतिनगरमा मोटरसाइकलको ठक्करबाट एक महिलाको मृत्यु भएको छ । बाराबाट हेटौँडातर्फ आउँदै गरेको ना ४२ प ७५०६ नम्बरको मोटरसाइकलले ठक्कर दिँदा एक महिलाको मृत्यु भएको जिल्ला प्रहरी कार्यालयले जनाएको छ ।

मृतकको सनाखत हुनसकेको छैन । सो दुर्घटनाबाट मोटरसाइकल चालकसहित दुई घाइते भएका छन् । घाइते हुनेमा मोटरसाइकल चालक पर्सागढी बस्ने ३० वर्षीय कञ्चन ठाकुर र चितवनको भरतपुर महानगरपालिका–१० बस्ने ३५ वर्षीया शर्मिला थापा मगर रहेका छन् ।

प्रकाशित मिति: बुधबार, मंसिर २५, २०७६ १०:५६