खसीसहित अवैध सामाग्री जमुनहा बिओपीको नियन्त्रणमा

स्थानीय

गृहपृष्ठ
स्थानीय
खसीसहित अवैध सामाग्री जमुनहा बिओपीको नियन्त्रणमा

खसीसहित अवैध सामाग्री जमुनहा बिओपीको नियन्त्रणमा

शुक्रबार, असोज ८, २०७८ बागेश्वरी पोस्ट

नेपालगन्ज । सशस्त्र प्रहरीको जमुनहा बिओपीको टोलीले भारतबाट भित्रिँदै गरेको ठूलो परिमाणमा खसीसहित अवैध सामग्री बरामद गरेको छ ।

नेपालगन्जस्थित जमुनहा बिओपीबाट सशस्त्र प्रहरी नायब निरीक्षक अर्जुन कुमार कार्कीको कमान्डमा गएको टोलीले भन्सार छली गरेर ल्याउँदै गरेको अवैध सामाग्री बरामद गरेको सशस्त्र प्रहरी बल नम्बर ३० गण बागेश्वरी बाँकेले जानकारी दिएको छ।

बिशेष सुराकीका आधारमा नायब निरीक्षक कार्कीको कमान्डको टोलीले शुक्रवार साँझ पौने ५ बजे नेपालगन्ज १६ जयसपुर नाका नजिकबाट भारतबाट भन्सार छली गर्दै ल्याइएका ४० हजार रुपैयाँ बराबरका ४ वटा खसी, ९० हजार ६७० रुपैयाँका लत्ताकपडा र मोटरका पार्टसहरु बरामद गरेको हो। खसी र अवैध सामग्री बरामद गरेपनी सशस्त्र प्रहरीलाई देख्नासाथ तस्करहरु भारततर्फ नै फरार भएको जनाइएको छ।

बरामद गरिएका अवैध सामाग्रीहरुलाई आजै नेपालगन्ज भन्सार कार्यालय बुझाइएको सशस्त्र प्रहरीले जानकारी दिएको छ।

प्रकाशित मिति: शुक्रबार, असोज ८, २०७८ २०:०३

प्रतिक्रिया दिनुहोस्